ఆదాయాన్ని రెట్టింపు చేద్దాం

మాట్లాడుతున్న డీసీఎంఎస్‌ ఛైర్మన్‌ సంబారి మోహన్‌

నిజామాబాద్‌ వ్యవసాయం, న్యూస్‌టుడే: ధాన్యం కొనుగోలు కేంద్రాలు, ఎరువుల విక్రయాలతో ఆదాయాన్ని రెట్టింపు చేయాలని ఐడీసీఎంఎస్‌ (ది ఇందూరు జిల్లా సహకార మార్కెటింగ్‌ సొసైటీ) తీర్మానించింది. నిజామాబాద్‌లోని ప్రధాన కార్యాలయంలో ఛైర్మన్‌ సంబారి మోహన్‌ అధ్యక్షతన బుధవారం మహాజన సభ నిర్వహించారు. సొసైటీ ఆర్థిక లావాదేవీలను చదివి వినిపించారు. పీఏసీసీఎస్‌లకు ఎరువుల సరఫరా కోసం అవసరమైన లైసెన్సు మంజూరులో నిబంధనలు సడలించాలని అధికారులను కోరారు. ఎరువులను హోల్‌సేల్‌గా విక్రయించేందుకు నిర్ణయం తీసుకున్నారు. జిల్లా వ్యవసాయాధికారి రాయుడు తిరుమల ప్రసాద్‌, ఉద్యాన శాఖాధికారి నర్సింగ్‌దాస్‌, డీసీవో సింహాచలం, మేనేజర్‌ కె.నగేశ్‌, డైరెక్టర్లు పాల్గొన్నారు.