ప్రధాని మోదీ సభను విజయవంతం చేయాలి

ఎల్లారెడ్డి పట్టణం: నరేంద్రమోదీ హయాంలో భాజపా ప్రభుత్వం మరోసారి అధికారంలోకి రావాలని ప్రజలు  కోరుతున్నారని భాజపా జహీరాబాద్ పార్లమెంట్ ప్రభారీ పెద్దోళ్ల గంగారెడ్డి అన్నారు. శుక్రవారం పట్టణ కేంద్రంలోని భాజపా పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ.. ఈ నెల 30న సంగారెడ్డి జిల్లా ఆందోల్ అసెంబ్లీ నియోజకవర్గంలోని అల్లాదుర్గ్‌లో నిర్వహించనున్న భారీ బహిరంగ సభకు ముఖ్య అతిథిగా ప్రధాని నరేంద్రమోదీ హాజరుకానున్నారని తెలిపారు. భాజపా నాయకులు, కార్యకర్తలు ప్రజలు పెద్దఎత్తున పాల్గొని విజయవంతం చేయాలని కోరారు.