ఇసుక మేటలు.. అక్రమార్కులకు కాసులు

ఠాణా కలాన్‌ శివారులో ఇసుక కుప్ప

ఎడపల్లి, న్యూస్‌టుడే:  ఇటీవల కురిసిన భారీ వర్షాలకు అలీసాగర్‌ జలాశయం గేట్లు ఎత్తడంతో ఠాణాకలాన్‌ నుంచి జైతాపూర్‌ వరకు వాగులో ఇసుక మేటలు వేశాయి. ఠాణాకలాన్‌ శివారులో అధిక మొత్తంలో ఉండడంతో అర్ధరాత్రి వేళ ఇసుకను తరలిస్తున్నారు. ఒక్కో ట్రాక్టరు ట్రాలీకి రూ.4 వేలకు పైగానే విక్రయిస్తూ సొమ్ము చేసుకుంటున్నారు. అక్రమ దందాపై అధికారులకు ఫిర్యాదు చేసినా పట్టించుకోవడం లేదని స్థానికులు ఆగ్రహం వ్యక్తం చేస్తున్నారు. ఇసుక అక్రమ రవాణా జరగకుండా పోలీసు, రెవెన్యూ అధికారులు చర్యలు తీసుకోవాలని కోరుతున్నారు.