లారీ వచ్చింది.. ధాన్యం వెళ్లింది

మొక్కజొన్న బస్తాలను లారీలో నింపుతున్న హమాలీలు

గాంధారి, న్యూస్‌టుడే: మండల కేంద్రంలో మే 13వ తేదీన మొక్కజొన్న కొనుగోలు కేంద్రం ఏర్పాటు చేశారు. హమాలీలు, లారీల కొరతతో కొనుగోళ్లలో జాప్యం ఏర్పడి రైతులు ఇబ్బందులు పడుతున్నారని వరుసగా ఈనాడులో మే 29న ‘హమాలీల కొరత.. తూకంలో  ఆలస్యం..’, జూన్‌ 1న ‘రాని లారీ.. కదలని హలధారి’ కథనాలు ప్రచురితమయ్యాయి. దీంతో స్పందించిన సంబంధిత అధికారులు హమాలీలు, లారీల కొరత తీర్చి గురువారం ధాన్యం కొనుగోలు చేశారు. దీంతో కొంతమేర సమస్య తీరింది. మిగిలిన ధాన్యం సకాలంలో కొనుగోలు చేయాలని రైతులు కోరుతున్నారు.