డబుల్‌ ఇంజిన్‌ పాలన తథ్యం: అపరాజిత

జగన్నాథ సన్నిధిలో అపరాజిత ప్రార్థన
గోపాల్‌పూర్‌, న్యూస్‌టుడే: కేంద్రం, రాష్ట్రంలో భాజపా డబుల్‌ ఇంజిన్‌ పాలన తథ్యమని, ప్రజల్లో మార్పు కనిపిస్తోందని భువనేశ్వర్‌ సిటింగ్‌ ఎంపీ అపరాజిత షడంగి చెప్పారు. పార్టీ భువనేశ్వర్‌ టికెట్‌ ఖరారైన తర్వాత ఆమె గురువారం సాయంత్రం పూరీ వెళ్లారు. శ్రీక్షేత్రంలో జగన్నాథుడి సన్నిధిలో పూజలు చేసి సాష్టాంగ ప్రణామం ఆచరించారు. అనంతరం విలేకరులతో మాట్లాడుతూ... ఈసారి 15కుపైగా లోక్‌సభ సీట్లు, రాష్ట్రంలో ప్రభుత్వం ఏర్పాటు చేయడానికి అవసరమైన అసెంబ్లీ స్థానాలు భాజపా ఖాతాలోకి వస్తాయన్న పూర్తి నమ్మకం ఉందన్నారు. జనం కోసం, దేశ హితం కోసం భాజపా పనిచేస్తోందన్న నమ్మకం ఓటర్లలో నాటుకుందని, ఇది శుభ సంకేతమని చెప్పారు.