రాయగడ కోట చేజిక్కించుకునేదెవరో?

రాయగడ గ్రామీణం, న్యూస్‌టుడే: రానున్న సార్వత్రిక ఎన్నికల్లో ఈసారి రాయగడ కోటను ఎవరు చేజిక్కుంచుకుంటారోనన్న ఉత్కంఠ నెలకొంది. 1951 నుంచి 2014 వరకు జరిగిన అసెంబ్లీ ఎన్నికల్లో కాంగ్రెసు, జనతాదళ్‌, బిజద అభ్యర్థులే గెలుపొందారు. 2019లో ఊహించని రీతిలో స్వతంత్ర అభ్యర్థి మకరంద ముదిలి విజయం సాధించారు. ఈసారి ఎన్నికల్లో రాయగడలో తమ జెండా ఎగరవేసేందుకు బిజద పావులు కదుపుతోంది. ఇందులో భాగంగానే తొలిసారిగా ఇక్కడ మహిళా అభ్యర్థి అనుసూయ మాఝిని బరిలో నిలిపింది. గత ఎన్నికల్లో ఓటమి చెందిన కాంగ్రెస్‌ అభ్యర్థి అప్పల స్వామి కడ్రక, భాజపా తరఫున బసంత ఉలక బరిలో ఉన్నారు. దీంతో గట్టి పోటీ జరగనుందని రాజకీయ పరిశీలకులు అంటున్నారు.