బి-ఫారం అందుకున్న బేబినాయన

 చంద్రబాబునాయుడు నుంచి పత్రం అందుకుంటున్న బేబినాయన, పక్కనే ఎంపీ అభ్యర్థి కలిశెట్టి
బొబ్బిలి, వేపాడ, న్యూస్‌టుడే: బొబ్బిలి నియోజకవర్గ కూటమి అభ్యర్థి బేబినాయన తెదేపా అధినేత చంద్రబాబునాయుడు నుంచి బి-ఫారం అందుకున్నారు. మంగళవారం గజపతినగరంలో జరిగిన సభ అనంతరం హెలీప్యాడ్‌ వద్ద అందుకున్నట్లు తెలిపారు. ఎంపీ అభ్యర్థి కలిశెట్టి అప్పలనాయుడు, మాజీ ఎమ్మెల్యే తెంటు లక్ష్మునాయుడు ఉన్నారు.విజయనగరం జిల్లా శృంగవరపుకోట సిరికి రిసార్ట్స్‌లో రాయలసీమ తెదేపా ఎమ్మెల్యే అభ్యర్థులు పరిటాల సునీత (రాప్తాడు), పయ్యావుల కేశవ్‌ (ఉరవకొండ), ఎన్‌.అమర్‌నాథ్‌రెడ్డి (పలమనేరు)లకు చంద్రబాబు మంగళవారం బి-ఫారాలు అందజేశారు.

కాంగ్రెస్‌ ఎమ్మెల్యే అభ్యర్థులకు..

 నెల్లిమర్ల, జామి, న్యూస్‌టుడే: కాంగ్రెస్‌ పార్టీ జిల్లా అధ్యక్షుడు సరగడ రమేష్‌కుమార్‌కు ఆ పార్టీ పీసీసీ అధ్యక్షురాలు షర్మిల బి-ఫారం అందజేశారు. బాపట్ల జిల్లా చీరాలలో పార్టీ ప్రచారంలో ఉన్న ఆమెను ఆయన కలిశారు. నెల్లిమర్ల అసెంబ్లీ నియోజకవర్గ అభ్యర్థిగా పోటీ చేయనున్నట్లు తెలిపారు. ఎస్‌.కోట ఎమ్మెల్యే అభ్యర్థిగా జామి మండలం అలమండకు చెందిన డాక్టర్‌ జి.తిరుపతి బి-ఫారం అందుకున్నారు.