పాలీసెట్‌లో మెరిసిన బాలికలు

విజయనగరం విద్యావిభాగం, న్యూస్‌టుడే: పాలీసెట్‌ ఫలితాల్లో ఉమ్మడి జిల్లాలో బాలికలు అధిక సంఖ్యలో ఉతీర్ణులయ్యారు. విజయనగరం జిల్లాలో 3,182 మంది పరీక్ష రాయగా, 2,875 మంది (90.35 శాతం), పార్వతీపురం మన్యంలో 384 మంది పోటీపడగా 341 మంది (88.80 శాతం) బాలికలు పాసయ్యారు. బీ విజయనగరం జిల్లాకు చెందిన వడ్డి త్రినయని 115 మార్కులతో రాష్ట్రస్థాయిలో 155వ ర్యాంకు సాధించింది. నగరానికి చెందిన తిరుమల రెడ్డి వెంకట శ్యామల్‌ శ్రీనిధ్‌ అపూర్‌ 112 మార్కులతో 285వ ర్యాంకు కైవసం చేసుకున్నాడు. తొత్తడి శైలేష్‌  285వ ర్యాంకు పొందాడు. పూసపాటిరేగ మండలం తులసిదిబ్బ ప్రాంతానికి చెందిన కె.హారిక- 333, బొబ్బిలికి చెందిన జక్కు త్రివేణి- 703, పూసపాటిరేగ మండలం కుమిలికి చెందిన దేవరాపు వేదశ్రీ- 1676, విజయనగరం దాసన్నపేటకు చెందిన పట్నాయకుని ప్రణీత 1880 ర్యాంకులతో మెరిశారు. బీ మన్యం జిల్లాలో పి.మౌనికకు 383వ ర్యాంకు వచ్చింది. 110 మార్కులు వచ్చాయి. వి.ధనలక్ష్మి- 1,899, ఎన్‌.నితిన్‌ కుమార్‌- 2,056 ర్యాంకులతో తర్వాత స్థానాల్లో నిలిచారు.