నేడు వంశధార నిర్వాసితుల సమస్యలపై భాజపా ధర్నా

హిరమండలం, న్యూస్‌టుడే: వంశధార నిర్వాసితుల సమస్యలు పరిష్కారానికి భారతీయ జనతా పార్టీ ఆధ్వర్యంలో మంగళవారం హిరమండలంలో ధర్నా చేయనున్నట్లు ఆ పార్టీ మండల అధ్యక్షుడు బోయన ధర్మారావు తెలిపారు. సోమవారం ఆయన మాట్లాడుతూ ఈ మేరకు తహసీల్దారు సత్యనారాయణను కలిసి సమాచారం అందజేసినట్లు చెప్పారు. ఏబీ రహదారి మీదుగా ఉదయం 10 గంటలకు నిర్వాసితులతో ర్యాలీగా వెళ్లి తహసీల్దారు కార్యాలయం ముందు ధర్నా చేస్తామన్నారు. ఈ కార్యక్రమానికి భాజపా రాష్ట్ర అధ్యక్షుడు సోము వీర్రాజు, జిల్లా అధ్యక్షుడు అట్టాడ రవి, కార్యవర్గ సభ్యులు హాజరవుతారన్నారు. నిర్వాసితులు పెద్దఎత్తున పాల్గొని విజయవంతం చేయాలని కోరారు.