మిస్టర్‌ ఆంధ్రా ఛాంపియన్‌ అజయ్‌ యాదవ్‌

ఆకట్టుకున్న వివిధ జిల్లాల క్రీడాకారుల ప్రదర్శన

మిస్టర్‌ ఆంధ్రాగా విశాఖకు చెందిన బి.అజయ్‌ యాదవ్‌ ఎంపికయ్యారు. ఇచ్ఛాపురం పుర బాలికోన్నత పాఠశాలలో జరిగిన శరీర సౌష్ఠవ పోటీల్లో రాష్ట్ర వ్యాప్తంగా పలు జిల్లాల నుంచి 159 మంది క్రీడాకారులు పాల్గొన్నారు. ఆదివారం ఉదయం నుంచి అర్ధరాత్రి దాటేదాకా పోటీలు సాగాయి. విజేతగా నిల్చిన అజయ్‌ యాదవ్‌కు రాష్ట్ర బాడీబిల్డింగ్‌ అసోసియేషన్‌ కార్యదర్శి కె.గురునాథరావు ట్రోఫీ రూ.30వేల నగదు అందించారు. మన్యం జిల్లా క్రీడాకారుడు ఎస్‌.కిశోర్‌, కాకినాడ జిల్లా వాసి ఎస్‌.రమేష్‌ వరుసగా రెండు, మూడు స్థానాల్లో నిలిచారు. 11 విభాగాల్లో ప్రతిభ చూపినవారికి నిర్వాహకులు ఉలాల శ్యామ్‌, వెంపాడ శ్రీకాంత్‌రెడ్డి, ఇండియన్‌ బాడీ బిల్డర్‌ నందిగాం కోటేశ్వరరావులు పురస్కారాలు అందించారు.

- న్యూస్‌టుడే, ఇచ్ఛాపురం