అన్నదాత చివరి ప్రయత్నం

అన్నదాతలు ఎండుతున్న పైర్లను కాపాడుకునేందుకు ఎంతగా ప్రయత్నిస్తున్నారనేందుకు సంతబొమ్మాళి మండలం మర్రిపాడులోని ఈ చిత్రమే నిదర్శనం. ఈ ఏడాది మండలంలో 1,250 హెక్టార్లలో సన్న, చిన్నకారు రైతులు వరి సాగు చేశారు. వర్షాభావం, వంశధార సాగునీరు రాకపోవడంతో ఇబ్బందులు పడుతున్నారు. పలువురు రైతులు ఇంజిన్లు ఉపయోగించే స్థోమత లేకపోవడంతో వరుణుడి రాక కోసం ఎదురుచూస్తుండగా, మరికొందరు ఇంజిన్ల ద్వారా ఎకరాకు రూ.8 వేలు వరకు ఖర్చుపెట్టి దూరప్రాంతాల నుంచి నీరు తెచ్చి పెట్టుకుంటున్నారు. ఇప్పటికైనా అధికారులు స్పందించి నీరందించేలా చూడాలని రైతులు కోరుతున్నారు.

- న్యూస్‌టుడే, సంతబొమ్మాళి