మీకు అండగా ఉంటా: ఎంపీ

ఎంపీ రామ్మోహన్‌నాయుడికి సమస్యలు వివరిస్తున్న బాధితులు

టెక్కలి, న్యూస్‌టుడే: పాత నౌపడాలో రైల్వే స్థలం అంటూ తమ ఇళ్లను కూల్చేశారని బాధితులు తమ గోడును పార్లమెంటు సభ్యుడు కింజరాపు రామ్మోహన్‌నాయుడు ముందు వెళ్లబుచ్చుకున్నారు. ఆదివారం పాత నౌపడాలో ఆయన పర్యటించారు. ఈ సందర్భంగా గతంలో పలుమార్లు ఇదే పరిస్థితి ఎదురైనప్పుడు ఎంపీగా ఎర్రన్నాయుడు ఉన్న సమయంలో తమకు న్యాయం జరిగిందని పలువురు వివరించారు. ప్రస్తుతం న్యాయస్థానం ఉత్తర్వులు ఉన్నాయని, తమకు న్యాయం జరిగేలా చూడాలని బాధితులు ఆయనను కోరారు. సమస్యపై పూర్తి అవగాహన ఉందని, మీకు అండగా ఉంటానని, రైల్వే అధికారులతో ఇప్పటికే మాట్లాడానని, మరోసారి మాట్లాడి శాశ్వత పరిష్కారం జరిగేలా చర్యలు తీసుకుంటానని ఎంపీ వారికి చెప్పారు. ఆయనతో పాటు బగాది శేషగిరిరావు, మల్లా బాలకృష్ణ, మామిడి రాము, చిన్నయ్యరెడ్డి, కర్రి విష్ణు, మెండ దాసునాయుడులున్నారు.