ఇంటి నిర్మాణానికి రూ.5 లక్షలు ఇవ్వాలి..

జగనన్న ఇంటి నిర్మాణానికి ప్రభుత్వం ఇస్తున్న రూ.1.80 లక్షలను రూ.5 లక్షలకు పెంచాలని, కాలనీల్లో మౌలిక వసతులు కల్పించాలని సీపీఐ నాయకులు డిమాండు చేశారు. జిల్లాపరిషత్తు కార్యాలయం వద్ద సోమవారం ధర్నా నిర్వహించారు. ఈ సందర్భంగా వారు మాట్లాడుతూ కాలనీల్లో మౌలిక సదుపాయాలు పూర్తిగా కల్పించలేదన్నారు. ఇంటి నిర్మాణానికి అవసరమైన  సిమెంట్, స్టీల్‌, ఇటుకలు, ఇసుక, కంకర ధరలు పెరిగాయన్నారు. ఇందుకు అనుగుణంగా రూ.5 లక్షలకు పెంచాలన్నారు. టిడ్కో గృహాలను లబ్ధిదారులకు అప్పగించాలని డిమాండు చేశారు. ఈ కార్యక్రమంలో సీపీఐ జిల్లా కార్యదర్శి శ్రీరామ్మూర్తి, సీనియర్‌ నాయకులు చాపర సుందరలాల్‌, చిక్కాల గోవిందరావు, ప్రభావతి తదితరులు పాల్గొన్నారు. 

న్యూస్‌టుడే, కలెక్టరేట్‌(శ్రీకాకుళం)