నయినార్‌ నాగేంద్రన్‌పై చర్యలు చేపట్టాలి

ఎన్నికల కమిషన్‌కు హైకోర్టు ఉత్తర్వులు 

చెన్నై నందనం ఆర్ట్స్‌ కళాశాలలో ఈవీఎంలను పరిశీలిస్తున్న అధికారులు,

ప్యారిస్‌, న్యూస్‌టుడే: భాజపా అభ్యర్థి నయినార్‌ నాగేంద్రన్‌పై చర్యలు చేపట్టాలని ఎన్నికల కమిషన్‌కు మద్రాసు హైకోర్టు ఉత్తర్వులు ఇచ్చింది. ఈనెల 6న తాంబరం రైల్వేస్టేషన్‌లో ఫ్లయింగ్‌ స్క్వాడ్‌ అధికారులు తనిఖీలు చేపట్టగా తిరునెల్వేలి భాజపా అభ్యర్థి నయినార్‌ నాగేంద్రన్‌ కారు డ్రైవరు సతీష్‌, సహాయకుడి నుంచి రూ.4 కోట్లు నగదు స్వాధీనం చేసుకున్నారు. తగిన పత్రాలు లేకుండా తీసుకెళ్తున్న నగదుపై వివరణ ఇవ్వాలని నయినార్‌ నాగేంద్రన్‌ తదితరులకు తాంబరం పోలీసులు సమన్లు పంపారు. ఈ నేపత్యంలో నయినార్‌ నాగేంద్రన్‌పై అనర్హతవేటు వేయాలని ఎన్నికల కమిషన్‌కు ఉత్తర్వులు ఇవ్వాలని తిరునెల్వేలి స్వతంత్ర అభ్యర్థి రాఘవన్‌ మద్రాసు హైకోర్టులో పిటిషన్‌ దాఖలు చేశారు. గురువారం విచారించిన న్యాయమూర్తులు రూ.4 కోట్లు స్వాధీనం చేసుకున్న వ్యవహారంతో సంబంధం ఉన్న నయినార్‌ నాగేంద్రన్‌పై తగిన చర్యలు చేపట్టాలని ఎన్నికల కమిషన్‌కు ఉత్తర్వులు ఇచ్చారు.

ఈవీఎంలను పోలింగ్‌ కేంద్రాలకు తరలిస్తున్న సిబ్బంది