భర్తను కొట్టిన రెండో భార్య

ఏలూరు నేరవార్తలు, న్యూస్‌టుడే: ఆస్తి తగాదాల నేపథ్యంలో భర్తపై అతని రెండో భార్య దాడి చేసింది. పోలీసులు తెలిపిన వివరాల ప్రకారం... స్థానిక కత్తేపువీధికి చెందిన షేక్‌ సాయిబాబా మహ్మద్‌ రిజ్వాన్‌ను రెండో వివాహం చేసుకున్నారు. మొదటి భార్యకు, ఆమె పిల్లలకు ఆస్తి ఎక్కువ ఇచ్చారని, తనకు లేకుండా చేశారని సాయిబాబాతో రిజ్వాన్‌ గొడవ పడ్డారు. ఈ నేపథ్యంలోనే ఈనెల 18న రాత్రి కుక్కర్‌తో భర్త తలపై దాడి చేయగా తీవ్ర గాయాలపాలయ్యాడు. స్థానికులు సాయిబాబాను ప్రభుత్వాసుపత్రిలో చేర్చగా చికిత్సపొందుతున్నాడు. బాధితుడి ఫిర్యాదు మేరకు రిజ్వాన్‌పై వన్‌టౌన్‌ పోలీసులు బుధవారం కేసు నమోదు చేశారు.