పాత పింఛను విధానం అమలు చేయాల్సిందే

ప్రదర్శనను ప్రారంభిస్తున్న ఎమ్మెల్సీ సాబ్జీ

ఏలూరు అర్బన్‌, న్యూస్‌టుడే: రాష్ట్ర ప్రభుత్వ ఉద్యోగ, ఉపాధ్యాయులకు పాత పింఛను విధానాన్ని అమలు చేయాలని ఎమ్మెల్సీ షేక్‌ సాబ్జీ డిమాండ్‌ చేశారు. సీపీఎస్‌ రద్దు చేయాలని కోరుతూ యూటీఎఫ్‌ ఆధ్వర్యంలో ఆదివారం ‘10కె రన్‌’ కార్యక్రమాన్ని స్థానిక జడ్పీ కార్యాలయం నుంచి ప్రారంభించారు. ముఖ్య అతిథిగా హాజరైన ఎమ్మెల్సీ మాట్లాడుతూ సీపీఎస్‌కు ప్రత్యామ్నాయం జీపీఎస్‌ కాదన్నారు. అధికారంలోకి రాగానే సీపీఎస్‌ రద్దు చేస్తామని చెప్పి ఇప్పటివరకూ అమలు చేయకపోవడం బాధాకరమన్నారు.  కార్యక్రమంలో యూటీఎఫ్‌ నాయకులు శ్యాంబాబు, రవికుమార్‌, నరసింహారావు, రవీంద్ర తదితరులు పాల్గొన్నారు.