చిన్నారులతో ఇల్లు ప్రారంభం

వృద్ధులకు ఆసరాగా నిలిచిన ఎమ్మెల్యే

ఇంటిని ప్రారంభింపజేస్తున్న నిమ్మల

పాలకొల్లు, యలమంచిలి, న్యూస్‌టుడే: సొంతిల్లు లేక ఇబ్బంది పడుతున్న వై.వి.లంకకు చెందిన కోనా వెంకట్రావు  దంపతులకు ఎమ్మెల్యే నిమ్మల రామానాయుడు ఆధ్వర్యంలో ఇల్లు నిర్మించారు. ఆ ఇంటికి చక్కని రంగులు వేయడంతో పాటు లోపల పైభాగంలో సీలింగ్‌, ఫ్లోరింగ్‌కు టైల్స్‌తో తుది మెరుగులు దిద్దారు. ఆదివారం ఎమ్మెల్యే రామానాయుడు దగ్గరుండి ఆ వృద్ధులతో పాటు వారి మనుమలైన గణేష్‌, తేజస్విలతో ప్రారంభోత్సవం చేయించారు. ఇంటి నిర్మాణంలో భాగస్వాములైన స్థానికులు, తాపీమేస్త్రీలను ఎమ్మెల్యే సత్కరించారు. స్థానిక సర్పంచి ఈదా ప్రమీల, తెదేపా నాయకులు నార్ని సత్తిబాబు, ముచ్చర్ల శ్రీనివాస్‌, గుబ్బల ఏడుకొండలు తదితరులు పాల్గొన్నారు.