చిరుత పులి మృతి

మృతి చెందిన చిరుత పులి

రాజంపేట గ్రామీణ న్యూస్‌టుడే: రాజంపేట మండలం అనంతసముద్రం బీటు పరిధిలో ఏడేళ్ల వయసున్న చిరుతపులి శుక్రవారం రాత్రి మృతి చెందినట్లు ఎఫ్‌ఆర్‌ఓ శ్రీనివాసలు శనివారం తెలిపారు. రెండు రోజుల కిందట అడవికి గుర్తు తెలియని వ్యక్తులు నిప్పుపెట్టడంతో కొంత భాగం అడవి కాలిపోయిందని, ఆ సమయంలో చిరుత మంటలు నుంచి బయటపడే ప్రయత్నంలో మంటల్లో చిక్కుకుని కొంత భాగం కాలిపోయిందని, గాయాలతో అటవీ అధికారులు అడవి చుట్టూ తీసిన లోతైన కాలువలో పడిపోవడంతో మృతిచెందినట్లు గుర్తించామన్నారు. అటవీ, పశువైద్యాధికారుల సమక్షంలో పరీక్షలు నిర్వహించినట్లు ఆయన వివరించారు.