వైభవంగా జ్యోతుల ఉత్సవాలు

నారుగట్టువారిపల్లెకు పోటెత్తిన భక్తులు

అలంకరణలో చౌడేశ్వరి అమ్మవారు... జ్యోతులతో ఊరేగింపుగా వస్తున్న మహిళలు

నీరుగట్టువారిపల్లెలో చౌడేశ్వరి ఆలయంలో జ్యోతుల ఉత్సవాలు మంగళవారం కనుల పండువగా ప్రారంభమయ్యాయి. మహిళలు అధిక సంఖ్యలో తరలి వచ్చి దీపాలతో కూడిన జ్యోతులను పురవీధుల్లో ప్రదర్శించారు. అర్చకులు సేతుస్వామి అమ్మవారిని రజతంతో ప్రత్యేకంగా అలంకరించారు. మహిళలు అమ్మవారికి హారతి పట్టారు. ఆలయ కమిటీ నిర్వాహకులు భక్తులకు తీర్థ ప్రసాదాలు అందించారు. ఉగాది పర్వదినం బుధవారం తొగటి వీర క్షత్రియులు జ్యోతులను తయారు చేసి అమ్మ వారికి సమర్పించనున్నారు.

నీరుగట్టువారిపల్లె (మదనపల్లె అర్బన్‌), న్యూస్‌టుడే