Published : 04/10/2020 17:55 IST

హాథ్రస్‌ డీఎంను సస్పెండ్‌ చేయాలి: ప్రియాంక

లఖ్‌నవూ: హాథ్రస్‌ ఘటనలో జిల్లా మెజిస్ట్రేట్‌ పూర్తి పాత్రపై విచారణ జరపాలని కాంగ్రెస్‌ నాయకురాలు ప్రియాంకగాంధీ అన్నారు. అంతేకాకుండా ఆయన్ను విధుల నుంచి తొలగిస్తూ వెంటనే ఆదేశాలివ్వాలని ప్రభుత్వాన్ని డిమాండు చేశారు. అత్యాచార బాధితురాలి కుటుంబ సభ్యులను శనివారం కలిసిన తరువాత తాజాగా ఆమె ఈ వ్యాఖ్యలు చేశారు. ఈ మేరకు ఆమె ట్విటర్‌ వేదికగా వెల్లడించారు. ‘జిల్లా మేజిస్ట్రేట్ ప్రవీణ్‌కుమార్‌‌ బాధితులతో దురుసుగా ప్రవర్తించిన తీరు గురించి శనివారం వారిని కలిసిన తర్వాత తెలిసింది. జిల్లా మేజిస్ట్రేట్‌ను వెంటనే సస్పెండ్‌ చేయాలి. అంతేకాకుండా పూర్తి ఘటనలో ఆయన పాత్రపై విచారణ చేపట్టాలి. బాధితులు న్యాయ విచారణకు డిమాండు చేస్తే ప్రభుత్వం ఎందుకు సీబీఐ, సిట్‌ దర్యాప్తును చేపడుతోంది. యూపీ ప్రభుత్వం కాస్త నిద్రమత్తు నుంచి మేల్కొని బాధితుల గోడు వినాలి’ అంటూ ఆమె విమర్శించారు.

హాథ్రస్‌ అత్యాచార ఘటనను నిరసిస్తూ కాంగ్రెస్‌ అగ్రనాయకులు రాహుల్ గాంధీ‌, ప్రియాంకలు శనివారం బాధితుల స్వగ్రామానికి వెళ్లి వారిని పరామర్శించిన విషయం తెలిసిందే. అనంతరం వారు మీడియాతో మాట్లాడుతూ.. ఈ ఘటనలో బాధితులకు జరిగిన అన్యాయాన్ని యూపీ సీఎం యోగి అర్థం చేసుకోవాలని ప్రియాంక కోరారు. బాధితులకు న్యాయం జరిగే వరకు పోరాటం ఆగదని ఆమె పేర్కొన్నారు. అదేవిధంగా రాహుల్‌గాంధీ మాట్లాడుతూ.. హాథ్రస్‌ బాధితుల గొంతును ఈ భూమ్మీద ఏ శక్తీ ఆపలేదని అన్నారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని