హిమాచల్‌లో నేడు కేసుల్లేవ్‌!

శిమ్లా: హిమాచల్‌ ప్రదేశ్‌లో కరోనా వైరస్‌ తగ్గుముఖం పడుతోంది. గడిచిన 24 గంటల్లో ఆ రాష్ట్రంలో ఒక్క కొత్త కేసు కూడా నమోదు కాకపోవడం విశేషం. హిమాచల్‌ ప్రదేశ్‌లో ఇప్పటివరకు 1,046 మంది వైరస్‌ బారిన పడ్డారు. ప్రస్తుతం 326 యాక్టివ్‌ కేసులు ఉండగా 9 మంది మృతిచెందినట్లు ఆదివారం రాష్ట్ర ఆరోగ్య శాఖ వెల్లడించింది. హిమాచల్‌లోని కాంగ్ర జిల్లాలో అత్యధిక కేసులు నమోదయ్యాయి. 283 మంది మహమ్మారి బారిన పడగా ఇంకా 186 యాక్టివ్‌ కేసులు ఉన్నాయి. ఇద్దరు మృత్యువాత పడ్డారు. దేశంలో ఇప్పటివరకు 6.73 లక్షల కరోనా కేసులు నమోదయ్యాయి. 4.1 లక్షల మంది కోలుకోగా 773 మంది వైరస్‌తో మృతిచెందారు.