NCB: రూ. 15 కోట్ల విలువైన కొకైన్‌ సీజ్‌..!

ఇంటర్నెట్‌డెస్క్‌: మాదకద్రవ్యాల నిరోధకశాఖ ముంబయి, దిల్లీలో దాడులు చేసి భారీ ఎత్తున కొకైన్‌ స్వాధీనం చేసుకొంది. ఈ సందర్భంగా ఇద్దరు విదేశీయులను అరెస్టు చేసింది. ఈ కొకైన్‌ విలువ రూ. 15 కోట్లు ఉంటుంది. దీనిపై ఎన్‌సీబీ అధికారి మాట్లాడుతూ.. ముందస్తు సమాచారం మేరకు గురువారం ముంబయిలోని ఓ హోటల్‌పై దాడులు నిర్వహించి 2 కేజీల కొకైన్‌ను స్వాధీనం చేసుకొన్నామన్నారు. ఈ సందర్భంగా జాంబియా దేశానికి చెందిన ఎల్‌ఏ గిల్‌మోర్‌ను అరెస్టు చేశారు. అతడు డ్రగ్‌ రవాణదారుగా పనిచేస్తున్నాడని ఎన్‌సీబీ అధికారులు వెల్లడించారు. 

దిల్లీవాసుల నిర్లక్ష్యం.. ‘వర్షం ఊరట’ను తుడిచిపెట్టిన టపాసుల మోత

గిల్‌మోర్‌ డ్రగ్స్‌ రవాణ కోసం జాంబియా నుంచి ఇథియోపియాకు వెళ్లాడు. అనంతరం విమానంలో ముంబయి చేరుకొని ఓ హోటల్‌లో బసచేశాడు. అతడి కదలికలపై ఎన్‌సీబీ బృందం ముందుగా నిఘా పెట్టింది. ఈ క్రమంలో అతడు ఉంటున్న హోటల్‌ రూమ్‌పై దాడి చేసింది. ఆ గదిలో ఉన్న బ్యాగ్‌ నుంచి 2 కిలోల కొకైన్‌ స్వాధీనం చేసుకొంది. దీని విలువ రూ.15 కోట్లు ఉంటుందని అంచనా. 

గిల్‌మోర్‌ని విచారించగా.. ఈ ప్రాంతంలోని డ్రగ్స్‌ రవాణాదారుల సమాచారం బయటపడింది. ఇతడిపై మరో హ్యాండిలర్‌ నియంత్రణ ఉందని గుర్తించారు. ఈ క్రమంలో దిల్లీలోని ఓ మహిళను గుర్తించారు. గిల్‌మోర్‌ను డ్రగ్స్‌తీసుకొని దిల్లీ రావాలని ఆమె చెప్పింది. వెంటనే అధికారులు దిల్లీకి చేరుకొని ఎమ్మార్‌ అగస్టీన అనే మహిళను అదుపులోకి తీసుకొన్నారు.