Updated : 17 Mar 2022 13:36 IST

New born Baby: అమానవీయం.. బిడ్డను సజీవంగా భూమిలో పాతిపెట్టిన కన్నతల్లి..

లఖ్‌నవూ: అమ్మతనానికే అవమానం, మానవత్వానికి మచ్చతెచ్చే ఘటన.. ఉత్తర్‌ప్రదేశ్‌లోని ఓ బస్తీలో చోటు చేసుకొంది. అప్పుడే పుట్టిన పసిబిడ్డను కన్నతల్లే సజీవంగా భూమిలో పాతిపెట్టింది. బస్తీలోని జిల్లా ఆసుపత్రి పక్కనే ఈ ఘటన చోటుచేసుకొంది. జిల్లా ఆసుపత్రికి సమీపంలో ఓ మహిళకు చిన్నారి ఏడుపు వినిపించింది. ఆ మహిళ వెళ్లి చూడగా.. ఆసుపత్రి పక్కనే ఉన్న ఖాళీ స్థలంలో.. భూమిలో సగం పాతిపెట్టిన శిశువు కనిపించింది. వెంటనే ఆ మహిళ పోలీసులకు సమాచారం అందించింది. వెంటనే అక్కడకు చేరుకున్న పోలీసులు ఆ బిడ్డను వెలికి తీశారు. శిశువును జిల్లా ఆసుపత్రిలోని పిల్లల వార్డుకు తరలించారు. చిన్నారికి చికిత్స చేసిన వైద్యులు.. పాప ఆరోగ్యంగానే ఉందని చెప్పారు. శిశువును సజీవంగా పాతిపెట్టిన ఆ చిన్నారి తల్లి కోసం పోలీసులు గాలింపు చేపట్టారు. ఆ బిడ్డను శిశు సంరక్షణ అధికారులకు అప్పగించారు. 


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని