Modi: వీర సైనికుల మృతిపై ఉద్వేగంగా మాట్లాడిన ప్రధాని..!

బలరామ్‌పూర్: దేశ ప్రజలను దిగ్భ్రాంతికి గురిచేసిన తమిళనాడు హెలికాఫ్టర్ ఘటన జరిగి నాలుగు రోజులు గడుస్తున్నా.. ఇంకా ఎవరు ఆ వేదనను నుంచి బయటపడలేదు. యూపీలో బలరామ్‌పూర్‌లో జరిగిన ఓ కార్యక్రమంలో పాల్గొన్న ప్రధాని నరేంద్ర మోదీ కూడా ఆ దుర్ఘటనపై మరోసారి ఆవేదన వ్యక్తం చేశారు. అసువులుబాసిన సైనికులకు మరోసారి సంతాపం తెలియజేశారు. దేశ తొలి సీడీఎస్ బిపిన్‌ రావత్ మరణం దేశానికి తీరని లోటన్నారు.  ఈ సందర్భంగా ఆయన ధైర్యసాహసాలను కొనియాడారు. ఆయన చేసిన సేవలకు ఈ దేశమే సాక్షిగా నిలుస్తుందని వ్యాఖ్యానించారు.

‘మిలిటరీలో ఉన్నతం కాలం మాత్రమే ఒక సైనికుడు.. సైనికుడిగా ఉంటాడునుకుంటే పొరపాటు. తన జీవితకాలమంతా అతడు యోధుడిగానే ఉంటాడు. ప్రతి క్షణం క్రమశిక్షణతో జీవిస్తూ.. దేశాన్ని సగర్వంగా నిలిపేందుకు కృషిచేస్తాడు. రావత్‌ ఎక్కడున్నా.. సరికొత్త తీర్మానాలతో భారత్ ముందుకెళ్లే ప్రక్రియను చూస్తారు. భారత్‌ ఇంత దుఃఖంలో ఉన్నప్పటికీ.. మన వేగం, అభివృద్ధి ఆగదు. భారత్‌ ఆగదు, నిలిచిపోదు. భారతీయులంతా కలిసి పనిచేసి, ఇంటా బయటా ఎదురయ్యే సవాళ్లను ఎదుర్కొంటారు’ అంటూ మోదీ ఉద్వేగంగా మాట్లాడారు.