వెండితెరపై ‘నాట్యం’ ఆరోజే

ఓ కథను నృత్యం ద్వారా అందమైన రూపంలో చెప్పడమే ‘నాట్యం’. ఇప్పుడిదే పేరుతో ఓ కథను ఆవిష్కరించేందుకు సిద్ధమవుతోంది ప్రముఖ కూచిపూడి నాట్యకారిణి సంధ్యారాజు. ఆమె ప్రధాన పాత్రలో నటిస్తూ.. స్వీయ నిర్మాణంలో రూపొందిస్తున్న ఈ చిత్రాన్ని రేవంత్‌ కోరుకొండ తెరకెక్కిస్తున్నారు. కమల్‌ కామరాజ్‌, శుభలేఖ సుధాకర్‌, భానుప్రియ తదితరులు కీలక పాత్రలు పోషిస్తున్నారు. ఈ సినిమాని అక్టోబరు 22న ప్రపంచ వ్యాప్తంగా విడుదల చేయనున్నారు. ఈ విషయాన్ని చిత్ర బృందం శనివారం అధికారికంగా ప్రకటించింది. ‘‘నాట్య ప్రధానంగా సాగే చిత్రమిది. ఇటీవల బాలకృష్ణ విడుదల చేసిన తొలి పాట ‘నమఃశివాయ’కు మంచి స్పందన     లభించింది’’ అని దర్శక నిర్మాతలు తెలియజేశారు.