romantic movie review: రొమాంటిక్ మూవీ రివ్యూ
ఆకాశ్పూరి, కేతికశర్మ జంటగా నటించిన రొమాంటిక్ మూవీ సినిమా ఎలా ఉందంటే?
చిత్రం: రొమాంటిక్; నటీనటులు: ఆకాష్ పూరి, కేతిక శర్మ, రమ్యకృష్ణ, ఉత్తేజ్, రమాప్రభ, దేవయాని, మకరంద్ దేశ్ పాండే తదితరులు; సంగీతం: సునీల్ కశ్యప్; ఛాయాగ్రహణం: నరేష్ రానా; కథ, స్క్రీన్ ప్లే, సంభాషణలు: పూరి జగన్నాథ్; దర్శకత్వం: అనిల్ పాదూరి; నిర్మాతలు: పూరి జగన్నాథ్, ఛార్మి; విడుదల తేదీ: 29-10-2021
తెలుగు చిత్రసీమలో ఎంతో మంది హీరోలను స్టార్లుగా నిలబెట్టిన దర్శకుడు పూరి జగన్నాథ్. ఇప్పుడా స్టార్ల సరసన తన తనయుడు ఆకాష్ పూరి(akash puri)ని కూడా నిలబెట్టాలన్నది పూరి కల. గతంలో ‘మెహబూబా’ చిత్రంతో ఆకాష్ను మంచి మాస్ హీరోగా తెరకు పరిచయం చేసే ప్రయత్నం చేశారు పూరి. అది ఆశించిన స్థాయిలో ఆకట్టుకోలేకపోయింది. అందుకే ఈసారి యువతరం మెచ్చేలా ఓ చక్కటి ప్రేమకథతో ఆకాష్ను ‘రొమాంటిక్’(Romantic) గా ప్రేక్షకుల ముందుకు తీసుకొచ్చారు. దీనికి పూరి దర్శకత్వం వహించకున్నా.. కథ అందించడంతో పాటు స్వయంగా నిర్మించారు. ఈ సినిమాతోనే కేతిక శర్మను కథానాయికగా.. అనిల్ పాదూరిని దర్శకుడిగా తెరకు పరిచయం చేశారు. ప్రచార చిత్రాలు, పాటలు ఆకట్టుకునేలా ఉండటంతో.. ప్రభాస్, విజయ్ దేవరకొండ వంటి అగ్రతారలు దీన్ని ప్రమోట్ చేయడంతో సినీ ప్రియుల దృష్టి ఈ చిత్రంపై పడింది. మరి ఈ చిత్రంతో పూరి తనయుడికి విజయం దక్కిందా?(romantic movie review) ప్రేక్షకుల అంచనాల్ని ఈ సినిమా అందుకుందా?
కథేంటంటే: వాస్కోడిగామా (ఆకాష్ పూరి) ఓ అనాథ. తన లాంటి అనాథల కోసం ఇళ్లు కట్టించాలని చిన్నప్పుడే లక్ష్యంగా పెట్టుకుంటాడు. అయితే డబ్బు సంపాదన కోసం నేర సామ్రాజ్యంలోకి అడుగు పెడతాడు. గోవాలో డ్రగ్స్ స్మగ్లింగ్ విషయంలో రెండు ముఠాల మధ్య అధిపత్య పోరు నడుస్తుంటుంది. వాస్కోడిగామా ఓ ముఠాలో చేరి.. అనతి కాలంలోనే ఆ ముఠా నాయకుడిగా ఎదుగుతాడు. ఇదే సమయంలో గోవా పోలీసులకు మోస్ట్ వాంటెడ్ క్రిమినల్గా మారతాడు. అయితే అతని జోరును ఆపడానికి ఏసీపీ రమ్య గోవార్కర్ (రమ్యకృష్ణ)ను రంగంలోకి దించుతుంది ప్రభుత్వం. వాస్కోని, అతని గ్యాంగ్ను అంతం చేయడమే ఆమె లక్ష్యం. గోవార్కర్ రంగంలోకి దిగాక.. వాస్కో లక్ష్య సాధనకు అనేక సవాళ్లెదురవుతాయి. ఈ క్రమంలోనే మౌనిక (కేతిక శర్మ)(ketika sharma)తో వాస్కో సాగిస్తున్న రొమాంటిక్ ప్రయాణంలోనూ ఇబ్బందులెదురవుతాయి. మరి వాటిని వాస్కోడిగామా ఎలా ఎదుర్కొన్నాడు? ఏసీపీ రమ్యకు వాస్కో చిక్కాడా?మౌనికతో అతనికున్న రొమాంటిక్(Romantic) బంధం ఏంటి? అది ప్రేమా? లేక తను నమ్మే మోహమా? అన్నది తెరపై చూడాలి.
ఎలా సాగిందంటే: గోవా నేపథ్యంలో సాగే కథ ఇది. నిజానికి పైన చెప్పుకున్న కథ సినిమాలో ఓ చిన్న లైన్గానే కనిపిస్తుంది. దాని చుట్టూ అల్లుకున్న యాక్షన్, రొమాంటిక్(Romantic) హంగామానే అసలు కథాంశం. దాన్ని పూరి తనదైన శైలిలో అనిల్ పాదూరితో ఎలా ఆవిష్కరింపజేశాడన్నది ఆసక్తికరం. నిజానికి పూరి జగన్నాథ్ సినిమాల్లో కథలన్నీ ఇంచుమించు ఇలాగే సాగుతుంటాయి. క్లాస్, మాస్ మెచ్చేలా కాస్తంత యాక్షన్ హంగామా.. చమక్కుమనే సంభాషణలు.. ఆఖర్లో ఓ చిన్న ట్విస్ట్. అది ప్రేక్షకులకు నచ్చిందా.. హిట్టు.. లేదంటే ఫట్టు. ‘పోకిరి’, ‘బిజినెస్మెన్’, ‘హార్ట్ ఎటాక్’ వంటి సినిమాలన్నీ ఈ తరహాలో సాగినవే. ఇప్పుడాయన నుంచి వచ్చిన ‘రొమాంటిక్’ కూడా ఇంచు మించు ఇదే మీటర్లో సాగుతుంది. ఇంకా కచ్చితంగా చెప్పాలంటే ఇది పై మూడు సినిమాలను మిక్స్ చేసి బయటకు తీసిన కథలా అనిపిస్తుంటుంది.
ప్రథమార్ధంలో వాస్కోడిగామాగా ఆకాష్ను పరిచయం చేసిన తీరు.. డ్రగ్స్ దందాలో అతను గ్యాంగ్స్టర్గా ఎదిగిన వైనం అన్నీ ‘బిజినెస్మెన్’ చిత్రాన్ని తలపించేలా ఉంటాయి. మోహం పేరుతో వాస్కో.. మౌనిక వెంట పడే సన్నివేశాలు, ఈ క్రమంలో ఇద్దరి మధ్య వచ్చే రొమాంటిక్ ఎపిసోడ్లు యువతరాన్ని ఆకర్షిస్తాయి. రమ్య గోవార్కర్ పాత్ర తెరపైకి వచ్చాక.. కథలో కాస్త వేగం పెరుగుతుంది. అయితే కుదిరితే యాక్షన్.. లేదంటే రొమాన్స్.. రెండూ కాదంటే ఓ పాట అన్నట్లుగా సాగే ప్రథమార్ధం ప్రేక్షకుల సహనానికి పరీక్ష పెడుతుంటుంది. ద్వితీయార్ధంలోనైనా పూరి శైలి మెరుపులు ఏమన్నా కనిపిస్తాయనుకుంటే.. అక్కడా ప్రేక్షకులకు నిరాశే ఎదురవుతుంది. వాస్కోడిగామాను పట్టుకునేందుకు రమ్య గోవార్కర్ చేసే ప్రయత్నాలు చాలా చప్పగా సాగుతాయి. పదే పదే హీరోయిన్ను అడ్డు పెట్టుకుని హీరోను పట్టుకోవాలనుకోవడం.. ఆ ప్రయత్నాలు మరీ సిల్లీగా ఉండటంతో ప్రేక్షకులు ఏ ఎపిసోడ్తోనూ కనెక్ట్ అయ్యే పరిస్థితి కనిపించదు. పతాక సన్నివేశాల్ని భావోద్వేగభరితంగా తీర్చిదిద్దిన తీరు.. విషాదాంతపు ముగింపు అందరినీ ఆకట్టుకుంటుంది.
ఎవరెలా చేశారంటే: నటుడిగా ఆకాష్ పూరి(akash puri)లో పరిణతి కనిపించింది. వాస్కోడిగామా క్యారెక్టరైజేషన్ను చక్కగా అర్థం చేసుకుని.. ఆ పాత్రకు న్యాయం చేసే ప్రయత్నం చేశాడు. పతాక సన్నివేశాల్లో అతడి నటన అందరినీ కట్టిపడేస్తుంది. అయితే ఇలాంటి బరువైన కథలకు తను కొన్నాళ్లు దూరంగా ఉంటే మంచిదనిపిస్తుంది. కేతిక శర్మ(ketika sharma) తెరపై చాలా అందంగా కనిపించింది. నటన పరంగా చూపించడానికి పెద్దగా ఆస్కారం దొరకలేదు. రొమాంటిక్(Romantic) సన్నివేశాల్లో మాత్రం చెలరేగిపోయింది. రమ్య గోవార్కర్ పాత్రలో రమ్యకృష్ణ చక్కగా ఒదిగిపోయింది. ఆమె పాత్రే సినిమాకి ప్రధాన ఆకర్షణ. మకరంద్ దేశ్ పాండే పాత్రను సరైన రీతిలో వాడుకోలేదనిపిస్తుంది. ఉత్తేజ్, రమాప్రభా తదితరుల పాత్రలు పరిధి మేరకు ఆకట్టుకుంటాయి. కథను ఆసక్తికరంగా తీర్చిదిద్దుకోకపోవడమే.. ఈ సినిమాకి ప్రధాన లోపం. సినిమా ఏ దశలోనూ లాజిక్లకు అందదు. సంభాషణల్లో మాత్రం తన కలం బలం చూపించారు. అనిల్ పాదూరి తనకిచ్చిన కథను ఇచ్చినట్లుగా చూపించే ప్రయత్నం చేసినట్లు అర్థమవుతోంది. పూరి శైలిని అందిపుచ్చుకోవడంలో విజయం సాధించాడనిపిస్తుంది. సునీల్ కశ్యప్ సంగీతం, నరేష్ రానా ఛాయాగ్రహణం పర్వాలేదనిపిస్తాయి.
బలాలు
+ ఆకాష్, రమ్యకృష్ణ నటన
+ కేతిక శర్మ గ్లామర్
+ సంభాషణలు
బలహీనతలు
- కథ, స్క్రీన్ ప్లే
- ద్వితీయార్ధం
చివరిగా: కుర్రకారుకే ఈ ‘రొమాంటిక్’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సల్మాన్ఖాన్ ఇల్లు మారుతున్నారా?
సల్మాన్ఖాన్ ఇంటి ముందు ఇద్దరు దుండగులు కాల్పులు జరిపిన విషయం తెలిసిందే. ఈనేపథ్యంలో సల్మాన్ ఇల్లు మారనున్నారంటూ జరుగుతోన్న ప్రచారంపై ఆయన సోదరుడు స్పందించారు. -
శ్రుతిహాసన్ అతడికి బ్రేకప్ చెప్పేశారా..?
తన ప్రియుడు శాంతనుకు నటి శ్రుతిహాసన్ (Shruti Haasan) బ్రేకప్ చెప్పారంటూ నెట్టింట వార్తలు చక్కర్లు కొడుతున్నాయి. -
ప్రేమపై చిన్నప్పటినుంచే నమ్మకముంది: అదితీరావ్ హైదరీ
ప్రేమపై తనకు చిన్నప్పటి నుంచే నమ్మకముందని నటి అదితిరావ్ హైదరీ (Aditi Rao Hydari) తెలిపారు. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
మమ్ముట్టి అద్భుతంగా నటించారు: విద్యాబాలన్
మమ్ముట్టి (Mammootty) ప్రధాన పాత్రలో నటించిన ‘కాదల్.. ది కోర్’ (Kaathal The Core)ను ఉద్దేశించి నటి విద్యాబాలన్ (Vidya Balan) ఆసక్తికర వ్యాఖ్యలు చేశారు. ఆ చిత్రం తనకెంతో నచ్చిందన్నారు. -
ఓటీటీలోకి యాక్షన్ థ్రిల్లర్ ‘యోధ’.. ప్రస్తుతానికి అద్దె ప్రాతిపదికన..
సిద్ధార్థ్ మల్హోత్రా-రాశీఖన్నా ప్రధానపాత్రలో నటించిన చిత్రం ‘యోధ’ ఓటీటీలోకి వచ్చేసింది. -
‘ఫ్రీజింగ్ ఎగ్స్’ విధానం మంచిదే: మృణాల్ ఠాకూర్ ఆసక్తికర వ్యాఖ్యలు
‘ఫ్రీజింగ్ ఎగ్స్’ విధానంపై తాను సుముఖంగా ఉన్నట్లు నటి మృణాల్ ఠాకూర్ (Mrunal Thakur) చెప్పారు. -
పెళ్లి గౌనును రీమోడల్ చేయించిన సమంత.. ఫొటోలు వైరల్
నటి సమంత (Samantha) మరోసారి వార్తల్లో నిలిచారు. తన పెళ్లి గౌనును రీ మోడలింగ్ చేయించడం చర్చకు దారి తీసింది. -
విజయ్ ‘ఫ్యామిలీ స్టార్’ ఓటీటీలోకి వచ్చేసింది.. స్ట్రీమింగ్ ఎక్కడంటే?
విజయ్ దేవరకొండ, మృణాల్ ఠాకూర్ జంటగా నటించిన చిత్రం ‘ఫ్యామిలీ స్టార్’ ఓటీటీలో స్ట్రీమింగ్ అవుతోంది. -
పాటల హంగామా..
ఈ వేసవిలో అగ్ర తారల సినిమాల జోరు కనిపించలేదు. మే నుంచైనా హడావుడి మొదలవుతుందేమో అనుకుంటే, ఇంకాస్త ఆలస్యం అనే సంకేతాలు వస్తున్నాయి. ‘పుష్ప2’ మినహా మరే సినిమా విడుదల తేదీని ఖరారు చేయలేదు. -
అజిత్ సరసన శ్రీలీల?
అగ్ర కథానాయకులతో వరుసగా జట్టు కడుతున్న శ్రీలీల.. ఈసారి తమిళ టాప్ హీరో అజిత్తో ఆడిపాడటానికి సిద్ధమవుతోంది. ‘గుడ్ బ్యాడ్ అగ్లీ’ అనే చిత్రంలో ఆయన సరసన నటించనుందని సమాచారం. -
ప్రభాస్తో కియారా?
‘సలార్ 2’ని పట్టాలెక్కించేందుకు రంగం సిద్ధమవుతోంది. జూన్లో లేదా జులైలో ప్రభాస్ రంగంలోకి దిగనున్నట్టు తెలుస్తోంది. ఈ దశలోనే ఈ సినిమాకి సంబంధించిన పలు ఆసక్తికరమైన విషయాలు వినిపిస్తున్నాయి. -
ముంబయిలో కుబేర
ధనుష్, నాగార్జున అక్కినేని ప్రధాన పాత్రధారులుగా తెరకెక్కుతున్న చిత్రం ‘కుబేర’. రష్మిక కథానాయిక. శేఖర్ కమ్ముల దర్శకత్వం వహిస్తున్నారు. అమిగోస్ క్రియేషన్స్ సంస్థతో కలిసి శ్రీ వెంకటేశ్వర సినిమాస్ పతాకంపై సునీల్ నారంగ్, పుస్కూర్ రామ్మోహన్రావు నిర్మిస్తున్నారు. -
ఇళయరాజా కేసులో ట్విస్ట్
పాటలకు గీత రచయిత కూడా హక్కు కోరితే ఏమవుతుందని సంగీత దర్శకుడు ఇళయరాజా వ్యవహారంలో మద్రాసు హైకోర్టు ప్రశ్నించింది. కాపీరైట్ గడవు ముగిసినా, తన పాటలను ఇంకా వాడుకుంటున్నారంటూ ఎకో, ఏఐజీ మ్యూజిక్ కంపెనీలపై సంగీత దర్శకుడు ఇళయరాజా దాఖలు చేసిన పిటిషన్పై విచారణ సందర్భంగా న్యాయస్థానం ఈ వ్యాఖ్యలు చేసింది. -
హాయైన వినోదంతో ‘ఏం చేస్తున్నావ్’
కథాబలం ఉన్న సినిమాలతో ఈటీవీ విన్ ప్రేక్షకులకు పసందైన వినోదాన్ని పంచుతోంది. ‘#90s’ మొదలుకొని వినూత్నమైన సినిమాలు వరుసగా ఈ వేదికలో సందడి చేస్తున్నాయి. తాజాగా ఆ జాబితాలోకి ‘ఏం చేస్తున్నావ్’ చేరింది. -
పెళ్లి సమస్యని వినోదాత్మకంగా చూపించాం
‘‘వినోదం, ప్రేమ, కుటుంబ భావోద్వేగాలు.. ఇలా అన్నీ ఉన్న చిత్రం ‘ఆ.. ఒక్కటీ అడక్కు’. తప్పకుండా ఇది అందరికీ కనెక్ట్ అయ్యేలా ఉంటుంద’’న్నారు నిర్మాత రాజీవ్ చిలక. ఆయన నిర్మాణంలో అల్లరి నరేశ్ హీరోగా మల్లి అంకం తెరకెక్కించిన చిత్రమే ‘ఆ.. ఒక్కటీ అడక్కు’. -
ముగిసిన కీర్తి తొలి హిందీ చిత్రం
ఆచితూచి కథల్ని ఎంచుకుంటూ.. అన్ని భాషా చిత్రాల్లోని సినీప్రియుల్ని మెప్పిస్తోంది కథానాయిక కీర్తి సురేశ్. దక్షిణాదిలో ఇప్పటికే తానేంటో నిరూపించుకున్న ఈ భామ.. ‘బేబీ జాన్’తో బాలీవుడ్లోనూ అడుగు పెట్టింది. -
తారల మెరుపులు షురూ
అగ్ర కథానాయకుడు ఆమిర్ఖాన్ ‘లాల్సింగ్ చద్ధా’ పరాజయం తర్వాత అభిమానులు, పరిశ్రమవర్గాల చూపంతా ‘సితారే జమీన్ పర్’పైనే ఉంది. దీన్ని ఆర్.ఎస్.ప్రసన్న తెరకెక్కిస్తున్నారు. -
ఇన్నాళ్లకు కల నెరవేరింది
‘విలన్ పాత్రలు చేయాలని ఎప్పట్నుంచో నా కోరిక. మా నాన్న శత్రుఘ్నసిన్హా కెరీర్ తొలినాళ్లలో ప్రతినాయకుడిగానే మెప్పించారు. ఇన్నాళ్లకు ‘హీరామండి: ది డైమండ్ బజార్’తో నా కల నెరవేరింది. -
స్పై యాక్షన్ కామెడీతో...
గతేడాది ‘డ్రీమ్గర్ల్ 2’తో మంచి విజయాన్ని అందుకున్న బాలీవుడ్ కథానాయకుడు ఆయుష్మాన్ ఖురానా.. ఇప్పుడో సరికొత్త సినిమాతో ప్రేక్షకుల ముందుకు రావడానికి సిద్ధమవుతున్నాడు. తాజాగా ఆయన కరణ్ జోహార్ నిర్మిస్తున్న ఓ స్పై కామెడీ చిత్రంలో నటిస్తున్నట్లు సమాచారం. -
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
భారతీయులైతేనే.. అమెరికాలో సీఈవో ఛాన్స్: రాయబారి ఆసక్తికర వ్యాఖ్య
-
సల్మాన్ఖాన్ ఇల్లు మారుతున్నారా?
-
ఈనాడు.నెట్లో టాప్ 10 వార్తలు @ 5PM
-
ఆ ఇద్దరికి పగలంతా నిద్ర.. రాత్రంతా జాగారం: వసీమ్ అక్రమ్
-
నన్ను హత్య చేసేందుకు కుట్ర: సీబీఐ మాజీ జేడీ లక్ష్మీనారాయణ
-
5 రోజుల వరుస లాభాలకు బ్రేక్.. 600 పాయింట్లు కోల్పోయిన సెన్సెక్స్