Alia Bhatt: పాపకు జన్మనిచ్చిన అలియాభట్‌.. ఆనందంలో కపూర్‌ ఫ్యామిలీ

ముంబయి: బాలీవుడ్‌ సెలబ్రిటీ జోడీ అలియాభట్ (AliaBhatt)‌, రణ్‌బీర్‌ కపూర్‌ (Ranbir Kapoor) తల్లిదండ్రులయ్యారు. ముంబయిలోని హెచ్‌ఎన్‌ రిలయన్స్‌ ఆస్పత్రిలో ఆదివారం మధ్యాహ్నం పండంటి ఆడబిడ్డకు అలియా జన్మనిచ్చిందని కుటుంబసభ్యులు తెలిపారు. తల్లీబిడ్డా ఇద్దరూ క్షేమంగానే ఉన్నారని చెప్పారు. ఈ శుభవార్తతో కపూర్‌ కుటుంబంలో సందడి వాతావరణం నెలకొంది. అలియాని చూసేందుకు కపూర్‌ కుటుంబసభ్యులు ఒక్కొక్కరిగా ఆస్పత్రికి చేరుకుంటున్నారు. మరోవైపు ఈ జంటకు అభినందనలు తెలుపుతూ పలువురు సెలబ్రిటీలు, నెటిజన్లు సోషల్‌మీడియాలో పోస్టులు పెడుతున్నారు. ఎన్నో ఏళ్ల నుంచి ప్రేమలో ఉన్న రణ్‌బీర్‌ - అలియా ఈ ఏడాది ఏప్రిల్‌లో వివాహబంధంలోకి అడుగు పెట్టిన విషయం తెలిసిందే.