Anand Deverakonda: విజయ్‌ దేవరకొండ - అనసూయ క్లాష్‌.. ఆనంద్‌ రియాక్షన్‌ ఏమిటంటే?

హైదరాబాద్‌: తన సోదరుడు విజయ్‌ దేవరకొండ (Vijay Deverakonda), నటి అనసూయ (Anasuya) మధ్య ఏర్పడిన వివాదంపై నటుడు ఆనంద్‌ దేవరకొండ (Anand Deverakonda) స్పందించారు. వ్యక్తిగతంగా ఆమెపై తనకు ఎలాంటి కోపం లేదన్నారు. ‘‘నెగెటివ్‌, లేదా పాజిటివ్‌.. ఇప్పటివరకూ ఏదైతే జరిగిందో అది పూర్తిగా వాళ్లకు సంబంధించిన విషయం. వ్యక్తిగతంగా ఆమెపై నాకు ఎలాంటి కోపం లేదు. నా ఫ్యామిలీని రక్షించుకోవడానికి నేను ఎప్పుడూ ముందుంటా’’ అని ఆయన అన్నారు. అనంతరం ‘బేబీ’పై అనసూయ ట్వీట్‌ చేయడం గురించి మాట్లాడారు. ‘‘మా ట్రైలర్‌ నచ్చిందంటూ ఆమె ట్వీట్‌ చేయడం సంతోషంగా అనిపించింది. దాదాపు 7 మిలియన్ల మంది మా ట్రైలర్‌ ఇష్టపడ్డారు’’ అని ఆయన చెప్పారు.

• ఇదీ చదవండి: బాలీవుడ్‌లో కొత్త ప్రేమజంట.. ఆన్‌లైన్‌లో లీకైన ఫొటోలు

ఇక, అనసూయ - విజయ్‌ దేవరకొండ మధ్య గత కొంతకాలంగా కోల్డ్‌ వార్‌ జరుగుతున్నట్లు సమాచారం. ఈ క్రమంలోనే ఆమె తరచూ విజయ్‌నుద్దేశించి పరోక్షంగా ట్వీట్లు చేసేవారు. ఇటీవల ఆయన నటించిన ‘ఖుషి’ పోస్టర్‌పై ‘ది విజయ్‌ దేవరకొండ’ అని ఉండటాన్ని తప్పుబడుతూ ఆమె వరుస ట్వీట్‌ చేశారు. దీనిపై ఆగ్రహం వ్యక్తం చేసిన విజయ్‌ అభిమానులు ఆమెను ట్రోల్‌ చేసిన విషయం తెలిసిందే. ఇటీవల ‘విమానం’ సక్సెస్‌మీట్‌లో ఈ విషయంపై అనసూయ మాట్లాడుతూ.. మానసిక ప్రశాంతతను దృష్టిలో ఉంచుకుని తాను ఈ గొడవను ఇంతటితో వదిలేయాలనుకుంటున్నానని చెప్పారు.