Animal Movie: ‘యానిమల్‌’లో ‘నాన్న’ పదం ఎన్నిసార్లు వచ్చిందంటే?

Animal Movie: రణబీర్ కపూర్ (Ranbir Kapoor) కథానాయకుడిగా సందీప్‌రెడ్డి వంగా (Sandeep Reddy Vanga) దర్శకత్వంలో రూపొందిన యాక్షన్‌ డ్రామా ‘యానిమల్‌’ (Animal Movie). బాక్సాఫీస్‌ వద్ద భారీ విజయాన్ని అందుకున్న ఈ మూవీ ప్రస్తుతం నెట్‌ఫ్లిక్స్‌ ఓటీటీ వేదికగా స్ట్రీమింగ్‌ అవుతోంది. ఇందులోనూ టాప్‌ ట్రెండింగ్‌లో దూసుకుపోతోంది.

కొత్త మూవీ ఏదైనా ఓటీటీలోకి వస్తే దాన్ని నిశితంగా పరిశీలించే వాళ్లు ఎక్కువైపోతున్నారు. ఎందుకంటే ఎక్కడ కావాలంటే అక్కడ పాజ్‌ చేసుకుంటూ చూడొచ్చు. అంతేకాదు, పలువురు ఔత్సాహికులు అనేక విషయాలను కూడా బ్రేక్‌ డౌన్‌ చేస్తుంటారు. ఇప్పుడు ‘యానిమల్‌’ విషయంలోనూ అదే జరిగింది. ఇందులో కథానాయకుడికి అతని తండ్రి అంటే ఎనలేని ప్రేమ. తండ్రికోసం ఎంతకైనా తెగిస్తాడు. ఫాదర్‌ సెంట్రిక్‌గా నడిచే ఈ సినిమాలో ‘పాపా’(నాన్న) అనే పదం ఎన్నిసార్లు వచ్చిందో తెలుసా? పది కాదు, 20 కాదు, ఏకంగా 196 సార్లు ‘పాపా’ పదాన్ని పలికారట. ఇందుకు సంబంధించిన వీడియో ప్రస్తుతం సామాజిక మాధ్యమాల్లో వైరల్ అవుతోంది.

రష్మిక (Rashmika) కథానాయికగా నటించిన ఈ చిత్రంలో త్రిప్తి దిమ్రి కీలక పాత్ర పోషించింది. అనిల్ కపూర్, బాబీ దేఓల్​, పృథ్వీరాజ్ తమదైన నటనతో కట్టిపడేశారు. ముఖ్యంగా ప్రతినాయకుడిగా బాబీ దేఓల్ నటన సినిమాకు హైలైట్‌. ఈ సినిమాకు సీక్వెల్‌గా ‘యానిమల్‌ పార్క్‌’ మూవీ తీసుకురానున్నట్లు  సందీప్‌ ప్రకటించిన సంగతి తెలిసిందే.