మోసగాళ్లు.. మరోసాంగ్‌ వచ్చేసింది

హైదరాబాద్‌: మంచు విష్ణు, కాజల్‌ ప్రధాన పాత్రల్లో నటిస్తున్న చిత్రం ‘మోసగాళ్లు’. జెఫ్రీ గీ చిన్‌ దర్శకత్వంలో తెరకెక్కుతోన్న ఈ సినిమాలో విష్ణు-కాజల్‌ అన్నాచెల్లెలుగా కనిపించనున్నారు. ఇప్పటికే విడుదలైన ఈ సినిమాలోని ‘డబ్బులు సంపాదించాలంటే’ అనే పాట ప్రేక్షకులను అలరిస్తోన్న తరుణంలో తాజాగా ఈ సినిమా నుంచి మరో పాటను చిత్రబృందం విడుదల చేసింది. ‘డబ్బే మనది కుమ్మేస్కో.. మస్తీ మస్తీ చేసేస్కో’ అంటూ సాగే ఈ సరికొత్త పాట ప్రేక్షకులను ఆకట్టుకునేలా ఉంది.

ప్రపంచంలోనే అతి పెద్ద ఐటీ కుంభకోణం నేపథ్యంలో రూపొందుతున్న చిత్రమది. బాలీవుడ్‌ నటుడు సునీల్‌శెట్టి ఈ సినిమాలో పోలీస్‌పాత్రలో కనిపించనున్నారు. నవ్‌దీప్‌ కూడా ఈ సినిమాలో కీలకపాత్రలో కనిపించనున్నారు. త్వరలో ఈ సినిమా ప్రేక్షకుల ముందుకు రానుంది.

ఇదీ చదవండి

రివ్యూ: ఉప్పెన