జెనీలియా ఇంకా అచ్చం ‘హాసిని’లాగే..

ఇంటర్నెట్‌ డెస్క్‌: జెనీలియా.. ఈ పేరు వినగానే ‘బొమ్మరిల్లు’లో అల్లరిపిల్ల ‘హాసిని’ గుర్తొస్తుంది. ‘ఒక్కసారి గుద్దితే కొమ్మలొస్తాయ్‌..?’ అంటూ అమాయకంగా చెప్పే డైలాగ్‌ కూడా అలా కదలాడుతుంది. ఆ చిత్రంలో జెనీలియా చేసిన అల్లరి అంతా ఇంతా కాదు మరి. ఆమె తెలుగులో పలు హిట్‌ చిత్రాలు చేసినప్పటికీ తెలుగు ప్రేక్షకులు గుర్తు పెట్టుకుంది మాత్రం ‘బొమ్మరిల్లు’ హాసినినే.

ఆ సినిమాలో ఎలా ఉందో నిజ జీవితంలోనూ అంతే అల్లరి చేస్తోంది జెనీలియా. రీల్‌లోనే కాదు రియల్‌గానూ హ.హ.హా హాసినినే అని అనిపించుకుంటోంది. చిలిపి చేష్టలతో తన భర్త రితేశ్‌ దేశ్‌ముఖ్‌ను ఎప్పుడూ ఆటపట్టిస్తూ ఉంటుంది. ఆ వీడియోలను ఇన్‌స్టాగ్రామ్‌లో ఎప్పటికప్పుడు పంచుకుంటూ ఉంటుంది. ఆమె అల్లరిని మీరూ చూడండి.