నీలాగే కనపడే వ్యక్తి నీకు ఎదురుపడితే!

కల్యాణ్‌ రామ్‌ కథానాయకుడిగా రాజేందర్‌ రెడ్డి దర్శకత్వంలో ఓ చిత్రం రూపొందుతోన్న సంగతి తెలిసిందే. మైత్రీ మూవీ మేకర్స్‌ సంస్థ నిర్మిస్తోంది. ఆషికా రంగనాథ్‌ కథానాయిక. ఈ సినిమాకి ముందు నుంచి అనుకున్నట్లుగానే ‘అమిగోస్‌’ అనే టైటిల్‌నే ఖరారు చేశారు. ఈ విషయాన్ని సోమవారం అధికారికంగా ప్రకటిస్తూ.. టైటిల్‌ లుక్‌ను విడుదల చేశారు. ఈ ప్రచార చిత్రంలో కల్యాణ్‌ రామ్‌ మూడు భిన్నమైన లుక్స్‌లో కనిపించారు. దీన్ని బట్టి ఈ సినిమాలో ఆయన పాత్ర మూడు పార్ష్శ్ళ్వాలో కనిపిస్తుందని అర్థమవుతోంది. ‘‘నీలాగే కనపడే ఇంకో వ్యక్తి నీకు ఎదురుపడితే నువ్వు చస్తావు అని చెప్తారు’’ అంటూ పోస్టర్‌పై ఉన్న వ్యాఖ్య ఆసక్తిరేకెత్తిస్తోంది. ఈ చిత్రం ప్రస్తుతం ముగింపు దశలో ఉంది. దీన్ని వచ్చే ఏడాది ఫిబ్రవరి 10న ప్రేక్షకుల ముందుకు తీసుకురానున్నారు. ఈ సినిమాకి గిబ్రాన్‌ స్వరాలందిస్తున్నారు. ఎస్‌.సౌందర్‌ రాజన్‌ ఛాయాగ్రాహకుడిగా వ్యవహరిస్తున్నారు.