సంక్రాంతికి ‘సైంధవ్‌’

క్రిస్మస్‌ సందర్భంగా డిసెంబరు 22న ప్రేక్షకుల ముందుకు రావాల్సిన ‘సైంధవ్‌’ సంక్రాంతికి విడుదలవుతోంది. క్రిస్మస్‌కి ‘సలార్‌’ విడుదల ఖరారు కావడంతో, ఆ సమయంలో రావాల్సిన సినిమాలన్నీ ప్రత్యామ్నాయాల్ని వెదుక్కుంటున్నాయి. అందులో భాగంగానే ‘సైంధవ్‌’ కొత్త విడుదల తేదీని ఖరారు చేసుకుంది. సంక్రాంతి పండగకి ఒక రోజు ముందుగా జనవరి 13న చిత్రాన్ని ప్రేక్షకుల ముందుకు తీసుకొస్తున్నట్టు గురువారం అధికారికంగా ప్రకటించాయి సినీవర్గాలు. వెంకటేష్‌ నటిస్తున్న 75వ చిత్రమిది. నవాజుద్దీన్‌ సిద్ధిఖీ, ఆర్య, శ్రద్ధా శ్రీనాథ్‌, రుహానీశర్మ, ఆండ్రియా జెరిమియా, సారా, జయప్రకాశ్‌ కీలక పాత్రలు పోషిస్తున్నారు. శైలేష్‌ కొలను దర్శకుడు. నిహారిక ఎంటర్‌టైన్‌మెంట్‌ పతాకంపై వెంకట్‌ బోయనపల్లి నిర్మిస్తున్నారు. చిత్రీకరణ పూర్తి చేసుకున్న ఈ సినిమా ప్రస్తుతం నిర్మాణానంతర కార్యక్రమాల దశలో ఉంది. పాన్‌ ఇండియా స్థాయిలో రూపొందిన ఈ సినిమా దక్షిణాది భాషలతోపాటు హిందీలోనూ విడుదలవుతోంది. ఈ చిత్రానికి ఛాయాగ్రహణం: మణికందన్‌, సంగీతం: సంతోష్‌ నారాయణన్‌.