Adipurush: జై శ్రీరామ్‌.. జై శ్రీరామ్‌..

‘‘నీ సాయం సదా మేమున్నాం.. సిద్ధం సర్వ సైన్యం.. సహచరులై పదా వస్తున్నాం.. సఫలం స్వామి కార్యం’’ అంటూ శ్రీరామ నామాన్ని వినిపిస్తూ ‘ఆదిపురుష్‌’ (Adipurush) చిత్ర బృందం శనివారం ఓ గీతాన్ని విడుదల చేసింది. ప్రభాస్‌ (Prabhas) టైటిల్‌ పాత్రలో నటించిన పాన్‌ ఇండియా చిత్రమిది. రామాయణ ఇతిహాసం ఆధారంగా ఓం రౌత్‌ తెరకెక్కించారు. ఇందులో సీతగా కృతిసనన్‌ కనిపించనుండగా.. సైఫ్‌ అలీఖాన్‌ లంకేశుడిగా నటించారు. ఈ సినిమా జూన్‌ 16న విడుదల కానున్న నేపథ్యంలో చిత్ర బృందం ప్రచార పర్వాన్ని వేగవంతం చేసింది. ఇందులో భాగంగా అక్షయ తృతీయను పురస్కరించుకొని ఈ సినిమా నుంచి ‘‘జై శ్రీరామ్‌ జై శ్రీరామ్‌.. రాజారాం’’ అనే గీతాన్ని విడుదల చేశారు. ఈ పాటకు అజయ్‌ - అతుల్‌ స్వరాలు సమకూర్చగా.. రామజోగయ్య శాస్త్రి సాహిత్యమందించారు. ఈ చిత్రాన్ని భూషణ్‌ కుమార్‌, క్రిషన్‌ కుమార్‌, ఓం రౌత్‌, సుతారియా సుటారియా, రాజేష్‌ నాయర్‌, వంశీ, ప్రమోద్‌ సంయుక్తంగా నిర్మించారు.