Attack: ఓటీటీలో జాన్‌ అబ్రహం ‘అటాక్‌: పార్ట్‌1’.. స్ట్రీమింగ్‌ ఎప్పుడంటే?

ఇంటర్నెట్‌డెస్క్‌: జాన్‌ అబ్రహం సూపర్‌సోల్జర్‌గా నటించిన చిత్రం ‘అటాక్‌: పార్ట్‌1’. ప్రకాష్‌రాజ్‌, రకుల్‌ ప్రీత్‌సింగ్‌, జాక్వెలిన్‌ ఫెర్నాండేజ్‌ తదితరులు కీలక పాత్రలు పోషించారు. ఏప్రిల్‌ 1న ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద రాణించలేకపోయింది. ఇప్పుడు ఓటీటీలో విడుదలయ్యేందుకు సిద్ధమైంది. ప్రముఖ ఓటీటీ  జీ5లో మే 27 నుంచి స్ట్రీమింగ్‌ కానుంది.

పూర్తి యాక్షన్‌ చిత్రంగా ‘అటాక్‌-1’ను తీర్చిదిద్దారు. ఆర్టిఫిషియల్‌ ఇంటెలిజెన్సీ(ఏఐ)సైనికుడు ఎలా ఉంటాడో ఇందులో చిత్రీకరించారు. చాలా ఖర్చుతో కూడుకున్న వ్యవహారం కావడంతో ఈ సినిమాకు నిర్మాతగానూ జాన్‌ అబ్రహం వ్యవహరించారు. కానీ, ఈ సినిమా ప్రేక్షకులను మెప్పించలేకపోయింది. లక్ష్య రాజ్‌ ఆనంద్‌ దర్శకత్వం వహించిన ఈ సినిమాకు శశ్వంత్‌ సచ్‌దేవ్‌ సంగీతం అందించారు.