Guntur Karam: విరామం తర్వాత మళ్లీ మొదలు

నెల రోజుల విరామం తర్వాత ‘గుంటూరు కారం’ చిత్రీకరణ మళ్లీ మొదలైంది. హైదరాబాద్‌లోని ఓ స్టూడియోలో ప్రధాన తారాగణంపై గురువారం నుంచి కీలక సన్నివేశాల్ని తెరకెక్కిస్తున్నారు. కథానాయకుడు మహేశ్‌బాబు ఒకట్రెండు రోజుల్లో సెట్లోకి అడుగు పెట్టనున్నట్టు సమాచారం. త్రివిక్రమ్‌ దర్శకత్వం వహిస్తోన్న చిత్రమిది. శ్రీలీల, మీనాక్షి చౌదరి కథానాయికలు. హారిక అండ్‌ హాసిని క్రియేషన్స్‌ పతాకంపై ఎస్‌.రాధాకృష్ణ నిర్మిస్తున్నారు. ఈ షెడ్యూల్‌ నుంచి కొత్త ఛాయాగ్రాహకుడు మనోజ్‌ పరమహంస రంగంలోకి దిగారు. పి.ఎస్‌.వినోద్‌ తప్పుకోవడంతో మనోజ్‌ ఆ స్థానాన్ని భర్తీ చేస్తున్నారు. జనవరి 13న విడుదలే లక్ష్యంగా సినిమా చిత్రీకరణ జరుగుతోంది.