Manchu Vishnu: ‘జిన్నా’ హంగామా

విష్ణు మంచు కథానాయకుడిగా నటిస్తూ, నిర్మిస్తున్న చిత్రం ‘జిన్నా’. పాయల్‌  రాజ్‌పూత్, సన్నీలియోన్‌ కథానాయికలు. సూర్య దర్శకత్వం వహిస్తున్నారు. తెలుగు, తమిళం, మలయాళం, హిందీ భాషల్లో రూపొందుతున్న ఈ సినిమా టీజర్‌ని ఆగస్ట్‌ 25న విడుదల చేయనున్నట్టు చిత్రవర్గాలు వెల్లడించాయి. ‘‘వాణిజ్య ప్రధానంగా సాగే సినిమా ఇది. కోన వెంకట్‌ సమకూర్చిన కథ, కథనాలతో ఇంటిల్లిపాదినీ మెప్పించేలా తీర్చిదిద్దారు దర్శకుడు. ప్రేమ్‌ రక్షిత్, అనూప్‌ రూబెన్స్‌ సాంకేతిక బృందం ఈ చిత్రానికి పనిచేస్తోంద’’ని సినీ వర్గాలు తెలిపాయి. విడుదలకి ముస్తాబవుతున్న ఈ సినిమాకి ఛాయాగ్రహణం: ఛోటా కె.నాయుడు.