Salman khan: సల్మాన్‌ఖాన్‌-సూరజ్‌ బర్జాత్యాలు మరోసారి

అగ్ర హీరో సల్మాన్‌ఖాన్‌, దర్శకుడు సూరజ్‌ బర్జాత్యా కాంబినేషన్‌లో వచ్చిన ‘మైనే ప్యార్‌ కియా’, ‘హమ్‌ ఆప్కే హై కౌన్‌’, ‘ప్రేమ్‌రతన్‌ ధన్‌ పాయో’ చిత్రాలు ప్రేక్షకుల్ని ఎంతగానే అలరించాయి. ఎనిమిదేళ్ల తర్వాత ఈ ఇద్దరికి కలయికలో మరో సినిమా పట్టాలెక్కనుంది. ఈ విషయాన్ని సూరజ్‌ బర్జాత్యా ఆదివారం ధ్రువీకరించారు. ‘వచ్చే ఏడాది ద్వితీయార్థంలో సల్మాన్‌తో చిత్ర షూటింగ్‌ మొదలవుతుంది. నేను ఒక కొత్త ప్రాజెక్టు మొదలు పెట్టే ముందు పూర్తిగా స్వార్థపరుడిగా మారిపోతుంటా. కథ రాసుకోవడం, షూటింగ్‌ ప్రారంభించడం.. అన్నీ నాకు అనుకూలంగా ఉండేలా చూసుకుంటా. సల్మాన్‌ఖాన్‌తో కలిసి పని చేయడం నాకు ఎప్పుడూ స్పెషలే. అందుకే అన్నీ కలిసొచ్చేలా ఆ సమయంలోనే సెట్స్‌పైకి వెళ్లనున్నాం’ అని ఒక మ్యాగజైన్‌కి ఇచ్చిన ఇంటర్వ్యూలో పేర్కొన్నారు. మరోవైపు సల్మాన్‌ఖాన్‌ ‘టైగర్‌ 3’ దీపావళికి ప్రేక్షకుల ముందుకు వచ్చేందుకు ముస్తాబవుతోంది.