Shaakuntalam: ‘శాకుంతలం’ మరో కొత్త తేదీన

‘శాకుంతలం’ (Shaakuntalam) రాకకు కొత్త ముహూర్తం ఖరారైంది. ఈ పాన్‌ ఇండియా చిత్రాన్ని వేసవి కానుకగా ఏప్రిల్‌ 14న విడుదల చేసేందుకు చిత్ర బృందం సిద్ధమైంది. ఈ కొత్త విడుదల తేదీని శుక్రవారం అధికారికంగా ప్రకటించారు. ఈ మేరకు సామాజిక మాధ్యమాల్లో కొత్త పోస్టర్‌ను పంచుకున్నారు. అందులో చిత్ర ప్రధాన తారాగణం మొత్తాన్ని చూపించారు. కాళిదాసు రచించిన సంస్కృత నాటకం అభిజ్ఞాన శాకుంతలంలోని శకుంతల - దుష్యంతుల ప్రేమకావ్యం ఆధారంగా గుణశేఖర్‌ (Guna Sekhar) తెరకెక్కించిన చిత్రమిది. టైటిల్‌ పాత్రను సమంత (Samantha) పోషించగా.. దుష్యంతుడిగా దేవ్‌ మోహన్‌ (Dev Mohan) నటించారు. మోహన్‌బాబు, సచిన్‌ ఖేడ్కర్‌, ప్రకాష్‌ రాజ్‌ కీలక పాత్రలు పోషించారు. ఈ సినిమాకి సంగీతం: మణిశర్మ, నిర్మాత: నీలిమ గుణ, సమర్పణ: దిల్‌రాజు.