Shah Rukh Khan: నయనతార ఇంట షారుక్‌.. అభిమానుల సందడి.. వీడియోలు వైరల్‌

ఇంటర్నెట్‌ డెస్క్‌: ప్రముఖ నటుడు షారుక్‌ ఖాన్‌ (Shah Rukh Khan), నయనతార (Nayanthara) జంటగా దర్శకుడు అట్లీ తెరకెక్కిస్తున్న చిత్రం ‘జవాన్‌’ (Jawan). తన పాత్ర చిత్రీకరణ కోసం షారుక్‌ ఇటీవల చెన్నై చేరుకున్నారు. షూటింగ్‌ ముగిసిన తర్వాత ఆయన నయనతార ఇంటికి వెళ్లి, కాసేపు ముచ్చటించారు. అనంతరం, హీరో ముంబయికి తిరుగు ప్రయాణమవుతుండగా అభిమానులు సెల్ఫీ కోసం పోటీపడ్డారు. ఎట్టకేలకు తన కారు వద్దకు చేరుకున్న షారుక్‌.. నయన్‌కు పెక్‌ పెడుతూ గుడ్‌బై చెప్పారు. సంబంధిత వీడియోలు నెట్టింట చక్కర్లు కొడుతున్నాయి.

ఈ సినిమా గతేడాది నవంబరులో చెన్నైలో ఓ కీలక షెడ్యూల్‌ పూర్తి చేసుకున్న సంగతి తెలిసిందే. ముంబయిలో జరగబోయే తదుపరి షెడ్యూల్‌లో నయనతార పాల్గొంటారని సమాచారం. యాక్షన్‌ థ్రిల్లర్‌ నేపథ్యంలో పాన్‌ ఇండియా స్థాయిలో రూపొందుతోన్న ఈ చిత్రం ఈ ఏడాది జూన్‌ 2న విడుదలకానుంది.