Tamanna: నీరజ్‌ పాండే దర్శకత్వంలో తమన్నా

ఈ ఏడాదితో చిత్రపరిశ్రమలో 19ఏళ్ల తన సినీ ప్రయాణాన్ని విజయవంతంగా పూర్తి చేసుకుంది కథానాయిక తమన్నా. దక్షిణాది చిత్రాలే కాకుండా బాలీవుడ్‌లోనూ నటించి మంచి క్రేజ్‌ని సొంతం చేసుకుంది. హిందీ చిత్రంతో సినీ ప్రపంచంలోకి అడుగుపెట్టిన ఈ భామ ప్రస్తుతం తెలుగు, తమిళ, హిందీ భాషల్లో వరుస సినిమాలతో బిజీగా గడుపుతోంది. ఇప్పుడు మరో ప్రాజెక్టులో తమన్నా కీలక పాత్ర పోషిస్తున్నట్లు తెలుస్తోంది. ‘నీరజ్‌ పాండే తెరకెక్కిస్తున్న ఈ చిత్రంలో ఆమె ప్రధాన పాత్రలో కనిపించనుంది. ఇంకా ప్రాజెక్టు పేరు ఖరారు కాలేదు. ఇతర తారాగణం వివరాల్ని త్వరలో వెల్లడించనున్నారు. గత నెలలోనే చిత్రీకరణ ప్రారంభమైంది. ఈ ఏడాది చివర్లో సినిమాని ఓటీటీలో విడుదల చేసేందుకు చిత్రబృందం సన్నాహాలు చేస్తోంది’ అంటూ సన్నిహిత వర్గాలు తెలిపాయి.