Tamannaah: తమన్నా ‘డేరింగ్‌ పార్ట్‌నర్‌’

ఆకట్టుకునే పాత్రలు...అలరించే ప్రత్యేక పాటలు..ఇలా ప్రేక్షకులను మెప్పిస్తూనే ఉంటుంది అందాల తార తమన్నా. తాజాగా ఆమె మరో సిరీస్‌తో అభిమానుల ముందుకు రానుంది. ఇద్దరు స్నేహితులు ఆల్కహాల్‌ స్టార్టప్‌తో భాగస్వాములుగా మారి సాహసోపేతమైన ప్రయాణాన్ని ప్రారంభిస్తారు. పురుష ఆదిపత్యం ఉన్న ఈ పరిశ్రమలో వారు ఎలాంటి సవాళ్లను ఎదుర్కొంటారనే కథనంతో రానుంది ‘డేరింగ్‌ పార్ట్‌నర్‌’. ఇందులో తమన్నా ప్రధాన పాత్రలో కనిపించనుంది. అర్చిత్‌ కుమార్‌, నిషాంత్‌ నాయక్‌ తెరకెక్కిస్తున్న ఈ సిరీస్‌ని కరణ్‌ జోహార్‌ నిర్మిస్తున్నారు. ఇటీవల ముంబయిలో జరిగిన ఓ వేడుకలో ఈ ప్రాజెక్టును ప్రకటించింది సిరీస్‌ బృందం.