Cinema News: ప్రేమిద్దాం.. ఛలో ఛలో

సాయి రోనక్‌, నేహ సోలంకి జంటగా సురేష్‌ శేఖర్‌ రేపల్లె తెరకెక్కించిన చిత్రం ‘ఛలో ప్రేమిద్దాం’. ఉదయ్‌ కిరణ్‌ నిర్మాత. భీమ్స్‌ సిసిరోలియో స్వరాలందించారు. ఈ చిత్ర తొలి గీతాన్ని నటుడు జగపతిబాబు  శుక్రవారం విడుదల చేశారు. ఈ సందర్భంగా దర్శకుడు మాట్లాడుతూ.. ‘‘ఎంబీఏ, ఎంసీఏలు చదవలేకపోతివి’ అంటూ సాగే ఈ తొలి పాట యువతరంతో పాటు అన్ని వర్గాల ప్రేక్షకులకు కనెక్ట్‌ అవుతుంది. దీనికి దేవ్‌ పవార్‌ సాహిత్యం అందించారు. వెంకట్‌ దీప్‌ నృత్యరీతులు   సమకూర్చారు. త్వరలో విడుదల తేదీ ప్రకటిస్తాం’’ అన్నారు. ‘‘కొత్తదనం నిండిన కథతో రూపొందుతోన్న చిత్రమిది. అందరికీ నచ్చేలా ఉంటుంది’’ అన్నారు హీరో సాయిరోనక్‌. ‘‘సెన్సార్‌ పనులు జరుగుతున్నాయి. త్వరలో థియేటర్లలో సినిమా విడుదల చేస్తామ’’న్నారు నిర్మాత.