Trisha: ఐడెంటిటీ సెట్లో త్రిష

సీనియర్‌ నటి త్రిష చేతి నిండా సినిమాలతో దూసుకెళ్తోంది. ‘లియో’తో భారీ విజయం అందుకున్న తను ‘ఐడెంటిటీ’తో మలయాళ నటుడు టోవినో థామస్‌తో జోడీ కడుతోంది. శనివారం ఆమె ఈ సినిమా చిత్రీకరణలో అడుగు పెట్టింది. హీరోతోపాటు యాక్షన్‌ సన్నివేశాల్లో పాల్గొననుంది. ఈ వివరాల్ని తెలుపుతూ ఓ వీడియో క్లిప్‌ని సామాజిక మాధ్యమాల్లో పంచుకుంది. ‘చాలా ఉత్సుకతతో ఎదురుచూస్తున్నా’ అనే వ్యాఖ్య జోడించింది. టోవినో సైతం ఆ వీడియోని షేర్‌ చేసుకుంటూ త్రిషకి స్వాగతం పలికారు. ‘ఐడెంటిటీ’ని అఖిల్‌పాల్‌, అనాస్‌ఖాన్‌లు తెరకెక్కిస్తున్నారు.