Vishal: ‘లాఠీ’ కోసం.. భారీ యాక్షన్‌

దక్షిణాది చిత్రపరిశ్రమల్లో యాక్షన్‌ ఘట్టాలకు పెట్టింది పేరు.. తమిళ కథానాయకుడు విశాల్‌. చాలా చిత్రాల్లో డూప్‌ లేకుండానే... సాహసాలు చేస్తుంటాడీయన. ఈ సమయాల్లో ఎన్నోసార్లు ఆయన గాయపడ్డారు. ప్రస్తుతం ఆయన నటిస్తున్న చిత్రం ‘లాఠీ’. ఈ చిత్రానికి వినోద్‌ కుమార్‌ దర్శకత్వం వహిస్తున్నారు. సునయన కథా నాయిక. ఇందులో విశాల్‌ పోలీసు అధికారిగా కన్పించనున్నారు. ఈ చిత్రానికి సంబంధించి క్లైమాక్స్‌లో వచ్చే భారీ యాక్షన్‌ సన్నివేశాల చిత్రీకరణ జరుగుతోంది. పీటర్‌ హెయిన్‌ నేతృత్వంలో వందల మంది ఫైటర్స్‌ మధ్య షూటింగ్‌ చేస్తున్నారు. ఈ చిత్రీకరణలో ఓ సన్నివేశం చిత్రీకరించేటప్పుడు విశాల్‌ స్వల్పంగా గాయపడ్డారు. చిత్రబృందం వెంటనే స్పందించి చికిత్స అందించారు. దీనికి సంబంధించిన వీడియో సామాజిక మాధ్యమాల్లో ఉంచింది చిత్రబృందం.