Chess World Cup: టైబ్రేక్లోనే తాడోపేడో
ఓ వైపు చెస్ ప్రపంచకప్ ఫైనల్ ఆడుతున్న పిన్న వయస్సు ఆటగాడిగా నిలిచిన 18 ఏళ్ల ప్రజ్ఞానంద! మరోవైపు అయిదు సార్లు ప్రపంచ ఛాంపియన్ టైటిళ్లు దక్కించుకున్న మేటి ఆటగాడు మాగ్నస్ కార్ల్సన్! ఈ ఇద్దరి మధ్య విజేత ఎవరో? ప్రపంచకప్ కిరీటాన్ని ధరించే కొత్త రాజు ఎవరో? నేడే తేలిపోనుంది.
కార్ల్సన్తో ప్రజ్ఞానంద రెండో గేమ్ కూడా డ్రా
విజేత ఎవరో తేలేది నేడే
చెస్ ప్రపంచకప్
ఓ వైపు చెస్ ప్రపంచకప్ ఫైనల్ ఆడుతున్న పిన్న వయస్సు ఆటగాడిగా నిలిచిన 18 ఏళ్ల ప్రజ్ఞానంద! మరోవైపు అయిదు సార్లు ప్రపంచ ఛాంపియన్ టైటిళ్లు దక్కించుకున్న మేటి ఆటగాడు మాగ్నస్ కార్ల్సన్! ఈ ఇద్దరి మధ్య విజేత ఎవరో? ప్రపంచకప్ కిరీటాన్ని ధరించే కొత్త రాజు ఎవరో? నేడే తేలిపోనుంది. ఈ ఇద్దరి మధ్య ప్రపంచకప్ ఫైనల్ సమరంలో వరుసగా రెండో గేమ్ కూడా డ్రా కావడంతో.. ఇక పోరు టైబ్రేక్కు మళ్లింది. ర్యాపిడ్, బ్లిట్జ్ ఫార్మాట్లో సాగే ఈ టైబ్రేక్లో కార్ల్సన్కు ప్రజ్ఞానంద చెక్ పెట్టాలన్నది భారత అభిమానుల ఆకాంక్ష!
బాకు
అత్యంత ఆసక్తి రేపుతూ.. ఉత్కంఠభరితంగా సాగుతున్న చెస్ ప్రపంచకప్ ఫైనల్ మరో మలుపు తీసుకుంది. టైటిల్ కోసం దిగ్గజం మాగ్నస్ కార్ల్సన్ (నార్వే)తో తలపడుతున్న భారత కుర్రాడు ప్రజ్ఞానంద.. వరుసగా రెండో గేమ్నూ డ్రాగా ముగించాడు. మంగళవారం వీళ్లిద్దరి మధ్య తొలి గేమ్ కూడా ఫలితం తేలకుండా ముగిసిన సంగతి తెలిసిందే. బుధవారం రెండో గేమ్ కూడా ఆరంభం నుంచి అదే బాటలో సాగింది. తెల్ల పావులతో ఆడిన ప్రపంచ నంబర్వన్ కార్ల్సన్ మొదటి నుంచి డ్రా దృష్టిలో పెట్టుకునే ఎత్తులు వేశాడు. మరోవైపు నల్ల పావులతో ఆడిన ప్రజ్ఞానంద కూడా ఎలాంటి పొరపాటుకు తావివ్వకుండా జాగ్రత్తగా పావులు కదిపాడు. సెమీస్ తర్వాత కలుషిత ఆహారం కారణంగా అనారోగ్యం బారిన పడ్డానని చెప్పిన కార్ల్సన్.. పోరును టైబ్రేక్కు మళ్లించేందుకే ప్రయత్నించాడు. మరో రోజు ఆగితే మరింత శక్తి వస్తుందని, అప్పుడు పూర్తిస్థాయిలో తలపడొచ్చన్నది అతని ఆలోచన. ప్రజ్ఞానంద కూడా రక్షణాత్మకంగానే వ్యవహరించాడు. దీంతో 30 ఎత్తుల తర్వాత ఇద్దరు ఆటగాళ్లు పాయింట్లు పంచుకునేందుకు ఒప్పుకున్నారు. రెండు క్లాసికల్ గేమ్లు ముగిసిన తర్వాత ప్రజ్ఞానంద, కార్ల్సన్ 1-1తో సమానంగా ఉన్నారు. దీంతో గురువారం విజేతను నిర్ణయించేందుకు జరిగే టైబ్రేక్పై అందరి దృష్టి నెలకొంది. మరోవైపు మూడో స్థానం కోసం జరుగుతున్న పోరులో తొలి గేమ్లో కరువానా (అమెరికా)పై అబసోవ్ (అజర్బైజాన్) గెలిచాడు.
టైబ్రేక్ ఇలా..: నాకౌట్ ఫార్మాట్లో జరుగుతున్న ఈ ప్రపంచకప్లో ప్రతి రౌండ్లోనూ మొదట రెండు క్లాసికల్ గేమ్లు నిర్వహించారు. ఇవి పూర్తయినా విజేత ఎవరో తేలకపోతే.. అప్పుడు టైబ్రేక్ అనివార్యమవుతోంది. టైబ్రేక్లో మొదట ర్యాపిడ్లో పోటీ నిర్వహిస్తారు. రౌండ్కు రెండు గేమ్లు చొప్పున రెండు రౌండ్లు పోటీ ఉంటుంది. తొలి రౌండ్లో ఫలితం వస్తే అక్కడితో పోటీ ఆపేసి విజేతను ప్రకటిస్తారు. ర్యాపిడ్ రౌండ్లు ముగిసినా ఆటగాళ్ల పాయింట్లు సమానంగా ఉంటే.. అప్పుడు ఒక్కో రౌండ్కు రెండు చొప్పున బ్లిట్జ్ గేమ్లు నిర్వహిస్తారు. రెండు రౌండ్లలో ఫలితం తేలకపోతే.. ఎవరో ఒకరు విజేతగా నిలిచేంతవరకూ బ్లిట్జ్ గేమ్లు కొనసాగిస్తారు.
‘‘టోర్నీ నిర్వాహకులు, ఫిడేతో పాటు నాకు చికిత్స అందించిన వైద్యులు, నర్సులకు కృతజ్ఞతలు. బుధవారం ఆరోగ్యం కాస్త మెరుగ్గా ఉంది. కానీ పోరాడేందుకు పూర్తి శక్తి లేదనిపించింది. అందుకే మరో రోజు విశ్రాంతి కావాలనుకున్నా. గురువారం పూర్తి శక్తి సాధిస్తానని ఆశిస్తున్నా. ప్రజ్ఞానంద ఇప్పటికే బలమైన ఆటగాళ్లతో చాలా టైబ్రేక్లు ఆడాడు. అతను బలమైన ఆటగాడని తెలుసు. నాకు మరింత శక్తి ఉండి, మంచి రోజు కలిసొస్తే కచ్చితంగా గెలిచే అవకాశాలుంటాయి’’
- కార్ల్సన్
‘‘కార్ల్సన్ వేగంగా డ్రా చేస్తాడని అనుకోలేదు. కానీ టైబ్రేక్ కోసమే అతనలా ఆడాడని అర్థమైంది. నాకూ ఎలాంటి ఇబ్బంది లేదు. ఈ టోర్నీలో చాలా టైబ్రేక్లు ఆడి నేను కూడా కాస్త అలసిపోయా. గురువారం పోరులో పూర్తి స్థాయిలో పోరాడతా. మెదడును తాజాగా ఉంచుకుంటా. ఎక్కువ గేమ్లు ఆడడంతో పాటు తక్కువ సమయంలో స్పందించాల్సి ఉంటుందని తెలుసు. దేనికైనా సిద్ధంగా ఉండాలి. కార్ల్సన్ పూర్తి శక్తితో ఉన్నాడనిపించలేదు. అలాగే అనారోగ్యం సూచనలూ కనిపించలేదు. అతను కోలుకుంటాడని ఆశిస్తున్నా. అమ్మ నాతో పాటు అక్కకూ ఎప్పుడూ కొండంత అండగా ఉంటోంది’’
- ప్రజ్ఞానంద
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
చెన్నైకి మరో షాక్.. గాయం కారణంగా స్వదేశానికి పతిరన
చెన్నై జట్టుకు గాయాలు ఇబ్బందిగా మారాయి. యువ పేసర్ పతిరన గాయం కారణంగా స్వదేశానికి వెళ్లిపోయాడు. -
డోపింగ్ శాంపిల్కు బజరంగ్ నిరాకరణ.. సస్పెన్షన్ వేటు!
డోపింగ్ పరీక్షకు శాంపిల్ ఇవ్వని కారణంగా రెజ్లర్ బజరంగ్ పునియాపై నేషనల్ యాంటీ డోపింగ్ ఏజెన్సీ (NADA) సస్పెన్షన్ వేటు వేసింది. -
కొద్ది రోజులుగా అనారోగ్యంతో ఉన్నా.. ఆడతానని అనుకోలేదు: సిరాజ్
ఐపీఎల్ 17వ సీజన్లో సిరాజ్ తొలిసారి అత్యుత్తమ బౌలింగ్తో ప్రత్యర్థిపై ఆధిపత్యం ప్రదర్శించాడు. బెంగళూరు విజయంలో కీలక పాత్ర పోషించాడు. -
ఒకే సమయంలో వచ్చే ఏడాది ఐపీఎల్ - పీఎస్ఎల్..! కారణమిదేనా?
క్రికెట్ అభిమానులను అలరించడానికి ప్రతి దేశం ఓ లీగ్ను నిర్వహించేందుకు ఆసక్తి చూపిస్తోంది. ఇప్పటికే భారత్లో ఐపీఎల్, పాక్లో పీఎస్ఎల్ ఉన్న సంగతి తెలిసిందే. అయితే, వచ్చే ఏడాది ఈ రెండు ఒకే సమయంలో జరిగే అవకాశం ఉంది. -
గిల్ ఇంకా నేర్చుకోవాలి.. నాయకత్వ పటిమ అద్భుతం: డేవిడ్ మిల్లర్
బెంగళూరు చేతిలో ఓటమితో గుజరాత్ కూడా ప్లేఆఫ్స్ అవకాశాలను దాదాపు దూరం చేసుకుంది. స్వల్ప స్కోర్లు నమోదైన మ్యాచ్లో ఆర్సీబీ ఘన విజయం సాధించింది. -
మ్యాక్సీ ఆటతీరుపై కామెంట్.. పార్థివ్కు తప్పని బాడీ షేమింగ్
భారత మాజీ వికెట్ కీపర్ పార్థివ్ పటేల్కు సోషల్ మీడియాలో బాడీ షేమింగ్ ఎదురైంది. అతడూ ఘాటుగానే సమాధానం ఇచ్చాడు. -
బెంగళూరు హ్యాట్రిక్
ఎక్కడైతే ఐపీఎల్ చరిత్రలోనే అత్యధిక స్కోరు రికార్డు నమోదైందో.. ఎక్కడైతే బౌండరీల వరద పారుతుందో.. అక్కడ గుజరాత్ టైటాన్స్ పరుగులు చేసేందుకు ఆపసోపాలు పడింది. బెంగళూరు బౌలర్ల దెబ్బకు కుదేలై కేవలం 147 పరుగులకే కుప్పకూలింది. -
కప్పులో ఇలాగే ఆడితే..?
హార్దిక్ పాండ్య.. కపిల్ దేవ్ తర్వాత ఆ స్థాయిని అందుకోగల నాణ్యమైన ఆల్రౌండర్గా అంచనాలు పెంచిన ఆటగాడు. వివిధ ఫార్మాట్లలో కొన్ని సంచలన ఇన్నింగ్స్లు.. అప్పుడప్పుడూ బౌలింగ్ మెరుపులతో భవిష్యత్తుపై ఎంతో ఆశలు రేకెత్తించాడీ ఆల్రౌండర్. -
ఐఎస్ఎల్ ఛాంప్ ముంబయి
ముంబయి సిటీ ఎఫ్సీ రెండోసారి ఐఎస్ఎల్ టైటిల్ను గెలుచుకుంది. శనివారం జరిగిన ఫైనల్లో 3-1తో మోహన్ బగాన్పై విజయం సాధించింది. 44వ నిమిషంలో జేసన్ కమింగ్స్ గోల్తో మొదట మోహన్ బగాన్ ఆధిక్యంలోకి దూసుకెళ్లింది. కానీ జోర్గె పెరెర్యా దియాజ్ (53వ) గోల్తో ముంబయి స్కోరు సమం చేసింది. -
భారత్ ఖాతాలో 43 పతకాలు
ఆసియా అండర్-22, యూత్ బాక్సింగ్ ఛాంపియన్షిప్లో భారత బాక్సర్లు పతకాల పంట పండిస్తున్నారు. ఇప్పటికే వివిధ విభాగాల్లో 43 పతకాలను ఖాయం చేశారు. శనివారం అండర్-22 విభాగంలో ఆకాశ్ గోర్కా (60 కేజీలు), విశ్వనాథ్ (48 కేజీలు), నిఖిల్ (57 కేజీలు), ప్రీత్ మలిక్ (67 కేజీలు) స్వర్ణ పోరుకు అర్హత సాధించారు. -
ధోని నా తండ్రి లాంటోడు..
ధోని తనకు తండ్రి లాంటి వాడని ఐపీఎల్లో చెన్నై సూపర్కింగ్స్కు ఆడుతున్న శ్రీలంక ఫాస్ట్బౌలర్ పతిరన అన్నాడు. అతడి చిన్నచిన్న సలహాలు తనకెంతో ఆత్మవిశ్వాసాన్నిచ్చాయని చెప్పాడు. 2022లో ఐపీఎల్ అరంగేట్రం చేసిన 21 ఏళ్ల పతిరన.. ఆ తర్వాత చెన్నైకి కీలక బౌలర్గా ఎదిగాడు. -
ఆ హిట్టింగ్కు ఈ స్టేడియాలా?
ప్రస్తుత బ్యాటర్ల పవర్ హిట్టింగ్కు పాత కాలం నాటి స్టేడియాల పరిమాణం సరిపోదని ఆఫ్ స్పిన్నర్ రవిచంద్రన్ అశ్విన్ అన్నాడు. ఐపీఎల్-17లో తరుచూ 200పైన స్కోర్లు నమోదవుతున్న నేపథ్యంలో అతడిలా వ్యాఖ్యానించాడు. -
జట్టు ఎంపికలో కృత్రిమ మేధ
ఏ క్రీడలోనైనా ఆటగాళ్ల ఫామ్, ఫిట్నెస్, ప్రత్యర్థిని చూసి సెలక్టర్లు జట్టును ఎంపిక చేస్తారు. కానీ ఇప్పుడా పని కృత్రిమ మేధ (ఏఐ) చేస్తోంది. అవును.. ఇది నిజం. పిచ్ పరిస్థితులు, ప్రత్యర్థి ఆటగాళ్లు, అందుకు తగ్గట్లు కూర్పు తదితర అంశాలను పరిగణనలోకి తీసుకుని మైదానంలో బరిలో దిగే తుది జట్టును ఏఐ నిర్ణయిస్తోంది.
తాజా వార్తలు (Latest News)
-
చెన్నైకి మరో షాక్.. గాయం కారణంగా స్వదేశానికి పతిరన
-
ఈనాడు.నెట్లో టాప్ 10 వార్తలు @ 5 PM
-
మారిన ట్రెండ్.. ఎన్నికల వేళా ఐపీఓల సందడి!
-
రోజా కామెంట్స్పై స్పందించిన గెటప్ శ్రీను.. ఏమన్నారంటే?
-
వందల మంది ‘రేవణ్ణ’ బాధితులకు.. ప్రభుత్వం ఆర్థిక సహాయం!
-
బైక్ పార్కింగ్ విషయంలో గొడవ.. తమ్ముడిని చంపిన అన్న