Breaking | Feedback | ePratibha | E-PAPER | Pratibha

T20 World Cup 2024: టీ20 ప్రపంచకప్‌ 2024.. భారత్‌Xపాక్‌ మ్యాచ్ డేట్ అదేనా?

దాయాదుల పోరు చూసేందుకు అభిమానులు ఎప్పుడూ ఎదురు చూస్తుంటారు. భారత్ - పాక్‌ (IND vs PAK) ఫ్యాన్స్‌ను ఖుషీ చేయడానికి మరోసారి టీ20 ప్రపంచకప్‌ (T20 World Cup 2024) రూపంలో అవకాశం రానుంది.

Updated : 04 Jan 2024 13:28 IST

ఇంటర్నెట్ డెస్క్‌: మరో ఆరు నెలల్లో టీ20 ప్రపంచకప్‌ (T20 World Cup 2024) సందడి మొదలుకానుంది. యూఎస్‌ఏ, వెస్టిండీస్‌ సంయుక్తంగా ఆతిథ్యమిస్తున్న ఈ పొట్టి కప్‌లో దాదాపు 20 జట్లు తలపడేందుకు సిద్ధమవుతున్నాయి. అయితే, అందరి దృష్టి మరోసారి దాయాదుల పోరుపై ఉండటం సహజమే. ఇంకా అధికారికంగా షెడ్యూల్‌ ఖరారు కాలేదు. కానీ, క్రికెట్‌ వర్గాల ప్రకారం భారత్ - పాకిస్థాన్‌ (IND vs PAK) జట్ల మధ్య జూన్ 9న మ్యాచ్‌ జరిగే అవకాశం ఉందని తెలుస్తోంది. గ్రూప్‌ స్టేజ్‌లో టీమ్ఇండియా మ్యాచ్‌లు జూన్‌ 5 ప్రారంభమవుతాయి. మిగతా నాలుగు జట్లతో యూఎస్‌ఏ వేదికగానే భారత్ మ్యాచ్‌లు ఆడనుంది.

ఒకవేళ టీమ్‌ఇండియా (Team India) సూపర్ 8 దశకు చేరుకున్నాక.. జూన్ 20 నుంచి మ్యాచ్‌లు ఆడాల్సి ఉంటుంది. ఈ స్టేజ్‌లో మాత్రం టీమ్‌ఇండియా మ్యాచ్‌లు వెస్టిండీస్‌లోనే జరుగుతాయని సమాచారం. జూన్ 29న ఫైనల్‌ మ్యాచ్‌ బార్బడోస్‌ వేదికగా జరగనుందని క్రికెట్ వర్గాలు పేర్కొన్నాయి. పొట్టి కప్‌లో రోహిత్ శర్మ, విరాట్ కోహ్లీ కూడా ఆడతారనే ఊహాగానాలు వస్తున్నాయి. కానీ, దాదాపు సంవత్సరం నుంచి వీరిద్దరూ టీ20ల్లో పాల్గొనలేదు. ఐపీఎల్‌లో ప్రదర్శన ఆధారంగా టీమ్‌ఇండియా ఎంపిక ఉంటుందని బీసీసీఐ వర్గాలు వెల్లడించాయి.

టీ20 వరల్డ్‌ కప్‌లో భారత్‌ మ్యాచ్‌లు ఇలా (అంచనా)

ఐర్లాండ్‌తో న్యూయార్క్‌ వేదికగా జూన్‌ 5న
పాకిస్థాన్‌తో న్యూయార్క్‌ వేదికగా జూన్ 9న
యూఎస్‌ఏతో న్యూయార్క్‌ వేదికగా జూన్ 12న
కెనడాతో ఫ్లోరిడా వేదికగా జూన్ 15న

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.