T20 League: బౌండరీలు.. సిక్సర్లు.. టాప్-5లో హిట్మ్యాన్
టీమ్ఇండియాలోనే కాకుండా దేశవాళీలోనూ అతిగొప్ప బ్యాట్స్మన్గా కొనసాగుతున్నాడు ముంబయి కెప్టెన్ రోహిత్ శర్మ. అతడు క్రీజులో నిలుచుంటే పరుగుల వరద పారాల్సిందే. బౌండరీల మోత మోగాల్సిందే...
టీమ్ఇండియాలోనే కాకుండా దేశవాళీ టీ20లీగ్లోనూ అత్యుత్తమ బ్యాట్స్మన్గా కొనసాగుతున్నాడు ముంబయి కెప్టెన్ రోహిత్ శర్మ. అతడు క్రీజులో నిలుచుంటే పరుగుల వరద పారాల్సిందే. బౌండరీల మోత మోగాల్సిందే. అందుకే అతడిని హిట్మ్యాన్ అని కూడా పిలుస్తారు. ఇక లీగ్లో అత్యధిక పరుగులు చేసిన బ్యాట్స్మెన్లలో ఒకడిగా కొనసాగుతున్న రోహిత్.. మరో ఘనతనూ సాధించాడు. అదేంటో ఇక్కడ తెలుసుకుందాం..
అత్యధిక పరుగులు చేసిన బ్యాట్స్మెన్ల జాబితాలో ప్రస్తుతం రోహిత్ మూడో స్థానంలో నిలిచాడు. కోహ్లీ (6,283) పరుగులతో అందరికన్నా ముందుండగా.. శిఖర్ ధావన్ (5,784), రోహిత్ (5,611) రెండు, మూడు స్థానాల్లో నిలిచారు. ఇక ఈ ముగ్గురూ అత్యధిక బౌండరీలు బాదిన బ్యాట్స్మెన్గా టాప్-5 జాబితాలోనూ ఉండగా, బౌండరీలతో పాటు, అత్యధిక సిక్సులు సాధించిన టాప్-5 బ్యాట్స్మెన్ల జాబితాలో కూడా రోహిత్శర్మ చోటు దక్కించుకోవటం విశేషం.. మరికొద్ది రోజుల్లో టీ20 లీగ్ సీజన్ ప్రారంభమవుతున్న నేపథ్యంలో.. ఈ రెండు జాబితాల్లో ఎవరెవరు టాప్లో ఉన్నారో తెలుసుకుందాం.
అత్యధిక బౌండరీల వీరులు
* శిఖర్ ధావన్: అత్యధిక బౌండరీలు బాదిన బ్యాట్స్మెన్ జాబితాలో ధావన్ నంబర్ వన్గా కొనసాగుతున్నాడు. అతడు ఇప్పటి వరకు 192 మ్యాచ్లు ఆడగా 4,567 బంతులు ఎదుర్కొని 5,784 పరుగులు చేశాడు. అందులో 654 ఫోర్లు, 124 సిక్సర్లు కొట్టాడు.
* విరాట్ కోహ్లీ: ఈ జాబితాలో బెంగళూరు మాజీ సారథి విరాట్ కోహ్లీ తర్వాతి స్థానంలో నిలిచాడు. అతడు 207 మ్యాచ్ల్లో 4,835 బంతులు ఎదుర్కొని 6,283 పరుగులు చేశాడు. అందులో 546 ఫోర్లు, 210 సిక్సర్లు ఉన్నాయి.
* డేవిడ్ వార్నర్: ఇన్నాళ్లూ హైదరాబాద్ తరఫున ఆడి దిల్లీ జట్టుకు తరలిపోయిన డేవిడ్ వార్నర్ ఈ జాబితాలో మూడో స్థానంలో నిలిచాడు. అతడు మొత్తం 150 ఐపీఎల్ మ్యాచ్లు ఆడి.. 3,893 బంతులు ఎదుర్కొని.. 5,449 పరుగులు చేశాడు. వాటిలో 525 బౌండరీలు, 201 సిక్సర్లు సాధించాడు.
* సురేశ్ రైనా: ఇక ఈ జాబితాలో చెన్నై మాజీ బ్యాట్స్మన్ సురేశ్ రైనా నాలుగో స్థానంలో నిలిచాడు. అతడు మొత్తం 205 మ్యాచ్ల్లో 4,402 బంతులు ఎదుర్కొని 5,528 పరుగులు చేశాడు. అతడు 506 బౌండరీలు, 203 సిక్సర్లు సాధించాడు.
* రోహిత్ శర్మ: అత్యంత విజయవంతమైన సారథిగా రోహిత్కు గొప్ప రికార్డు ఉంది. అతడు ఇప్పటి వరకు 213 మ్యాచ్లు ఆడి.. 4,303 బంతులు ఎదుర్కొని 5,611 పరుగులు చేశాడు. అందులో 491 ఫోర్లు, 227 సిక్సర్లను నమోదు చేశాడు.
అత్యధిక సిక్సర్ల ధీరులు..
* క్రిస్గేల్: అత్యధిక సిక్సర్ల వీరుల జాబితాలో యూనివర్సల్ బాస్ క్రిస్గేల్ అందరికన్నా ముందున్నాడు. అతడిని ఇప్పట్లో అందుకోవడం ఎవరికైనా కష్టమనే చెప్పొచ్చు. ఎందుకంటే అతడు ఇప్పటివరకు 142 మ్యాచ్లు ఆడి 3,333 బంతులు ఎదుర్కొని 4,965 పరుగులు చేశాడు. అందులో 405 బౌండరీలు, 357 సిక్సర్లు సాధించడం విశేషం.
* ఏబీ డివిలియర్స్: గతేడాది వరకూ బెంగళూరులో కీలక బ్యాట్స్మన్గా ఆడిన ఏబీ డివిలియర్స్ ఈ జాబితాలో రెండో స్థానంలో ఉన్నాడు. అతడు 184 మ్యాచ్ల్లో 3,403 బంతులు ఎదుర్కొని 5,162 పరుగులు చేశాడు. అందులో 413 ఫోర్లు, 251 సిక్సర్లను దంచికొట్టాడు.
* రోహిత్ శర్మ: అత్యధిక బౌండరీల జాబితాలో ఐదో స్థానంలో నిలిచిన రోహిత్ శర్మ సిక్సర్ల జాబితాలో మూడో స్థానంలో నిలిచాడు. ఇప్పటివరకు 227 సిక్సర్లు సాధించాడు. ఇదే సీజన్లో మరో 25 సిక్సర్లు సంధిస్తే డివిలియర్స్ను అధిగమించి రెండోస్థానంలోకి దూసుకెళ్తాడు.
* ఎంఎస్ ధోనీ: భారత్ తరఫున అత్యధిక సిక్సర్లు బాదిన రెండో బ్యాట్స్మన్గా, మొత్తంగా నాలుగో బ్యాట్స్మన్గా నిలిచిన ఆటగాడు చెన్నై మాజీ కెప్టెన్ మహేంద్రసింగ్ ధోనీ. అతడు మొత్తం 220 మ్యాచ్లు ఆడి 3,494 బంతులు ఎదుర్కొని 4,746 పరుగులు చేశాడు. అందులో 325 బౌండరీలు, 219 సిక్సర్లు ఉన్నాయి.
* పొలార్డ్: ఇక ఈ జాబితాలో ముంబయి స్టార్ హిట్టర్ కీరన్ పొలార్డ్ ఐదో స్థానంలో నిలిచాడు. అతడు చాలా సీజన్లుగా ఆ జట్టుతోనే కొనసాగుతూ అత్యంత కీలక విదేశీ ఆటగాడిగా పేరుతెచ్చుకున్నాడు. మొత్తం 178 మ్యాచ్లు ఆడిన పొలార్డ్ 2,182 బంతులు ఎదుర్కొని 3,268 పరుగులు చేశాడు. అందులో 212 ఫోర్లు, 214 సిక్సర్లు సాధించాడు.
-ఇంటర్నెట్ డెస్క్ ప్రత్యేకం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కావ్యా మారన్పై మీమ్స్.. విరాట్పై సోడా బాటిల్ జోక్స్
ఐపీఎల్ 17వ సీజన్లో బెంగళూరుకు రెండో విజయం దక్కింది. మరోవైపు సొంత మైదానంలో హైదరాబాద్కు ఓటమి ఎదురైంది. -
ఆ ఇద్దరికి పగలంతా నిద్ర.. రాత్రంతా జాగారం: వసీమ్ అక్రమ్
వెస్టిండీస్ క్రికెటర్లకు ఐపీఎల్ తొలినాళ్లలో ఎదురైన ఇబ్బందులను పాక్ మాజీ క్రికెటర్ ఓ ఇంటర్వ్యూలో వెల్లడించాడు. -
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
టీ20 ప్రపంచకప్కు టీమ్ ఇండియాను ఎంచుకోండి అని అడిగితే.. పాఠకులు సెలక్ట్ చేసిన 15 మంది వీరే. -
ఆ సమయంలో అతడు ఒక్క బౌండరీ కొట్టలేదు : విరాట్ స్ట్రైక్రేట్పై గావస్కర్
హైదరాబాద్తో జరిగిన మ్యాచ్లో విరాట్ కోహ్లీ(Virat Kohli) ఆటతీరుపై సునీల్ గావస్కర్ విమర్శలు గుప్పించాడు. -
ట్రావిస్ హెడ్ బలహీనతను పట్టిన బెంగళూరు..!
ఉప్పల్లో హైదరాబాద్-బెంగళూరు మధ్య జరిగిన మ్యాచ్లో ట్రావిస్ హెడ్ బలహీనత మరోసారి బయటపడింది. ఆర్సీబీ కెప్టెన్ ఫాఫ్ దీనిని చక్కగా సద్వినియోగం చేసుకున్నాడు. -
అప్పుడు పరుగులు చేసింది కోహ్లీ ఒక్కడే: డుప్లెసిస్
Faf du Plessis: విజయంతోనే జట్టులో విశ్వాసం వస్తుందన్నాడు బెంగళూరు సారథి ఫాఫ్ డుప్లెసిస్. తమ జట్టులో విరాట్ కోహ్లీ టాప్ స్కోరర్గా ఉండటం ఆనందంగా ఉందన్నాడు. -
ప్రతి మ్యాచ్లో అది పనిచేయదు, అయినా..: కమిన్స్
Pat Cummins: హైదరాబాద్ వేదికగా గురువారం జరిగిన ఐపీఎల్ మ్యాచ్లో బెంగళూరు చేతిలో సన్రైజర్స్ ఓటమిపాలైంది. దీనిపై కమిన్స్ మాట్లాడుతూ.. తమ జట్టు అనుసరిస్తున్న వ్యూహాన్ని సమర్థించుకున్నాడు. -
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
మాల్దీవుల జలాల్లోకి.. మళ్లీ చైనా పరిశోధక నౌక
-
యుద్ధాలు ఆపాలంటే ఇదొక్కటే మార్గం: పూరి జగన్నాథ్
-
ఆల్విన్ ఫార్మా పరిశ్రమలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్
-
కావ్యా మారన్పై మీమ్స్.. విరాట్పై సోడా బాటిల్ జోక్స్