Rahul Dravid : అతడిలో ‘Ra’ తక్కువ.. ‘Chin’ ఎక్కువ.. రచిన్ ఆటతీరుపై ద్రవిడ్ సరదా స్పందన
న్యూజిలాండ్ యువ సంచలనం రచిన్ రవీంద్రపై రాహుల్ ద్రవిడ్ ప్రశంసలు కురిపించాడు. అతడి ఆటతీరును పొగుడుతూ తనపైనే జోకులు వేసుకున్నాడు.
ఇంటర్నెట్ డెస్క్ : వన్డే మెగాటోర్నీ(ODI World Cup 2023) తొలి మ్యాచ్లోనే న్యూజిలాండ్.. గత ప్రపంచకప్ ఫైనల్లో ఓటమికి ప్రతీకారం తీర్చుకుంది. ఇంగ్లాండ్(ENG vs NZ)పై అద్భుత విజయాన్ని నమోదు చేసి బోణీ కొట్టింది. ఇక ఈ మ్యాచ్ చూసిన తర్వాత అందరికీ గుర్తొచ్చే ఒకేఒక్క పేరు న్యూజిలాండ్ యువ సంచలనం రచిన్ రవీంద్ర (Rachin Ravindra). డేవన్ కాన్వేతో కలిసి అద్భుత శతకంతో మ్యాచ్ను ఏకపక్షం చేశాడు. తన పేరులోనే దిగ్గజాలను చేర్చుకున్న రచిన్పై సర్వత్రా ప్రశంసలు కురుస్తున్నాయి. బెంగళూరులో జన్మించిన అతడి తల్లిదండ్రులు.. రాహుల్ ద్రవిడ్ నుంచి ‘Ra’ సచిన్ నుంచి ‘chin’లతో అతడికి రచిన్ రవీంద్ర అని పేరు పెట్టిన విషయం తెలిసిందే.
ఇక రచిన్ ప్రదర్శనపై టీమ్ఇండియా హెడ్ కోచ్ రాహుల్ ద్రవిడ్ (Rahul Dravid) స్పందించాడు. రచిన్ బ్యాటింగ్లో సచిన్ ప్రభావమే ఎక్కువగా కనిపిస్తుందని.. తన ప్రభావం తక్కువగా ఉందని సరదాగా చెప్పి తనపైనే జోకులు వేసుకున్నాడు. ‘అతడి బ్యాటింగ్ను చూశాను. ఐదు సిక్స్లు బాదాడు. అతడి ఆటతీరు చూస్తుంటే ‘Chin’ ప్రభావమే ఎక్కువగా ఉందని అనిపిస్తుంది. నేను ఆఫ్ ది స్క్వేర్లో బంతిని కొట్టలేను. బహుశా స‘చిన్’ అందులో అతడికి సహాయం చేసి ఉండొచ్చు’ అంటూ చెప్పి నవ్వులు పూయించాడు. ఇక అతడి ఆటతీరుకు ద్రవిడ్ ముగ్ధుడయ్యాడు.
న్యూజిలాండ్ నుంచి అనుకోని హీరో..
‘ఈ మ్యాచ్లో ఇద్దరూ (కాన్వే, రచిన్) బాగా బ్యాటింగ్ చేశారు. ఈ టోర్నీలో న్యూజిలాండ్కు మంచి ఆరంభం లభించింది. ఆట సాగుతున్నప్పుడు పిచ్ వారికి సహకరించింది. ఇక 2021 కాన్పూరు టెస్టు మ్యాచ్లో రచిన్ చివర్లో బ్యాటింగ్కు వచ్చి దాదాపు గంటన్నరపాటు బ్యాటింగ్ చేసి మ్యాచ్ను డ్రాగా ముగించాడు’ అని ద్రవిడ్ కొనియాడాడు.
ఇక తొలి మ్యాచ్లో కేన్ విలయమ్సన్ ఆడకపోవడంతో తుది జట్టులోకి వచ్చిన రచిన్ రవీంద్ర (123 నాటౌట్, 96 బంతుల్లో 11×4, 5×6) అద్భుత సెంచరీతో ఆకట్టుకున్నాడు. బ్యాటింగ్ ఆర్డర్లో దిగువన ఆడే రచిన్ ఈ మ్యాచ్లో మాత్రం వన్డౌన్ స్థానంలో వచ్చి ఇంగ్లిష్ బౌలర్లను ఉతికారేసిన విషయం తెలిసిందే.
ఇక భారత్(Team India) తన ప్రపంచకప్ జర్నీని ఆదివారం ప్రారంభించనుంది. చెన్నై వేదికగా ఆస్ట్రేలియా(IND vs AUS)తో తొలి పోరులో తలపడనుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
జ్వరం బారిన ప్లేయర్లు.. ఎవరు ఆడతారో తెలియలేదు: రుతురాజ్
పంజాబ్పై చెన్నై ప్రతీకార విజయం సాధించింది. చెపాక్లో జరిగిన పరాభావానికి ధర్మశాలలో బదులు తీర్చుకుంది. ప్లేఆఫ్స్ రేసులో ముందుకు దూసుకొచ్చింది. -
కోల్కతా నం.1
కోల్కతాది అదే జోరు. ఈ సీజన్లో అదిరే ప్రదర్శనతో దూసుకుపోతున్న నైట్రైడర్స్.. వరుసగా మూడో విజయాన్ని ఖాతాలో వేసుకుంది. అంతే కాక ఎనిమిదో విజయంతో పాయింట్ల పట్టికలో అగ్రస్థానానికి చేరుకుని ప్లేఆఫ్స్ స్థానాన్ని దాదాపుగా ఖాయం చేసుకుంది. -
చెన్నై చుట్టేసింది
చివరి నాలుగు మ్యాచ్ల్లో ఒక్కటే గెలుపు! పంజాబ్తో మ్యాచ్లో చేసింది 167 పరుగులే! ఆడుతోంది తటస్థ వేదిక ధర్మశాలలో! అయినా చెన్నై గట్టెక్కింది. కట్టుదిట్టమైన బౌలింగ్తో ప్రత్యర్థిని చుట్టేసి కీలక విజయం సాధించింది. -
బజ్రంగ్పై వేటు
స్టార్ రెజ్లర్ బజ్రంగ్ పునియాను జాతీయ డోపింగ్ నిరోధ సంస్థ (నాడా) సస్పెండ్ చేసింది. ఇటీవల ట్రయల్స్ సందర్భంగా డోప్ టెస్టు కోసం నమూనా ఇవ్వడానికి అతడు తిరస్కరించడంతో నాడా ఈ నిర్ణయం తీసుకుంది. -
జ్యోతికశ్రీ బృందానికి నిరాశ
పారిస్ ఒలింపిక్స్కు అర్హత టోర్నీగా జరుగుతున్న ప్రపంచ అథ్లెటిక్స్ రిలే తొలి అంచె టోర్నీలో తెలుగమ్మాయి దండి జ్యోతికశ్రీ బృందానికి నిరాశ ఎదురైంది. -
అక్టోబరు 6న పాక్తో భారత్ ఢీ
బంగ్లాదేశ్ ఆతిథ్యమివ్వనున్న మహిళల టీ20 ప్రపంచకప్లో భారత్ గ్రూప్ ‘ఎ’లో పోటీ పడనుంది. డిఫెండింగ్ ఛాంపియన్ ఆస్ట్రేలియా, న్యూజిలాండ్, పాకిస్థాన్, ఓ క్వాలిఫయర్ ఈ గ్రూప్లోని ఇతర జట్లు. -
బంగ్లాకు మరో విజయం
జింబాబ్వేతో అయిదు టీ20ల సిరీస్లో బంగ్లాదేశ్ వరుసగా రెండో విజయం సాధించింది. ఆదివారం రెండో టీ20లో ఆ జట్టు 6 వికెట్ల తేడాతో నెగ్గింది. మొదట జింబాబ్వే 20 ఓవర్లలో 7 వికెట్లకు 138 పరుగులే చేసింది. -
అవే సిరాజ్ బలాలు
తనపై తనకి నమ్మకం, వెనుదీయని తత్వం పేసర్ మహ్మద్ సిరాజ్ నిజమైన బలాలని సునీల్ గావస్కర్ అన్నాడు. ‘‘మైదానంలో సిరాజ్ సర్వశక్తులూ ఒడ్డుతాడు. -
పుజారా శతకం
భారత టెస్టు జట్టులోకి పునరాగమనం చేయాలని ఆశిస్తున్న సీనియర్ బ్యాటర్ చెతేశ్వర్ పుజారా ఈ కౌంటీ సీజన్లో తొలి శతకం సాధించాడు. ససెక్స్కు ప్రాతినిధ్యం వహిస్తున్న పుజారా..
తాజా వార్తలు (Latest News)
-
భూ హక్కు చట్టంపై నీతి ఆయోగ్ ఏం చెప్పింది.. మీరేం చేశారు?
-
లేని సీట్లను అమ్మి.. రూ.550 కోట్ల ఫైన్ కట్టి.. ఆస్ట్రేలియా విమానయాన సంస్థ నిర్వాకం!
-
‘వచ్చేది వైకాపా ప్రభుత్వమే... మాట వినకపోతే చంపేస్తా’
-
ఈనాడు.నెట్లో టాప్ 10 వార్తలు @ 9 AM
-
పెళ్లైన నాలుగు రోజులకే.. నవ వధువును ఇంటికి పంపిన వరుడు
-
జగనాసురుడి భూదందా... జనం ఆస్తులు గోవిందా..!