INDvsSL: గర్జించిన గబ్బర్ సేన
శ్రీలంకతో జరిగిన తొలి వన్డేలో టీమ్ఇండియా ఘన విజయం సాధించింది. ఆతిథ్య జట్టు నిర్దేశించిన 263 పరుగుల లక్ష్యాన్ని గబ్బర్సేన మూడు వికెట్లు కోల్పోయి 36.4 ఓవర్లలో ఛేదించింది. కెప్టెన్ శిఖర్ ధావన్ (86 నాటౌట్; 95 బంతుల్లో 6x4, 1X6), అరంగేట్రం బ్యాట్స్మన్ ఇషాన్ కిషన్ (59; 42 బంతుల్లో
మూడు వన్డేల సిరీస్లో భారత్ శుభారంభం
తొలి వన్డేలో టీమ్ఇండియా ఘన విజయం..
కొలంబో: శ్రీలంకతో జరిగిన తొలి వన్డేలో టీమ్ఇండియా ఘన విజయం సాధించింది. ఆతిథ్య జట్టు నిర్దేశించిన 263 పరుగుల లక్ష్యాన్ని గబ్బర్సేన మూడు వికెట్లు కోల్పోయి 36.4 ఓవర్లలో ఛేదించింది. కెప్టెన్ శిఖర్ ధావన్ (86 నాటౌట్; 95 బంతుల్లో 6x4, 1X6), అరంగేట్రం బ్యాట్స్మన్ ఇషాన్ కిషన్ (59; 42 బంతుల్లో 8x4, 2x6) అర్ధ శతకాలతో ఆకట్టుకోగా.. ఇతర బ్యాట్స్మెన్లో పృథ్వీ షా (43; 24 బంతుల్లో 9x4), మనీశ్ పాండే (26; 40 బంతుల్లో 1x4, 1x6), సూర్యకుమార్ యాదవ్ (31 నాటౌట్; 20 బంతుల్లో 5x4) తమవంతు పరుగులు చేశారు.
చెలరేగిన పృథ్వీ, ఇషాన్..
తొలుత ఓపెనర్లు పృథ్వీ, ధావన్ శుభారంభం చేశారు. ముఖ్యంగా పృథ్వీ పవర్ప్లేలో రెచ్చిపోయాడు. అతడు ఉన్నది కొద్దిసేపే అయినా స్కోరు బోర్డును పరుగులు పెట్టించాడు. ధావన్తో కలిసి తొలి వికెట్కు 58 పరుగులు చేశాడు. అందులో పృథ్వీ చేసినవే 43 పరుగులు కావడం గమనార్హం. అయితే, అర్ధశతకానికి చేరువైన సమయంలో అతడు ధనంజయ బౌలింగ్లో భారీ షాట్కు యత్నించి ఔటయ్యాడు. లాంగాన్లో అవిష్క ఫెర్నాండో చేతికి చిక్కాడు. తర్వాత వన్డౌన్ బ్యాట్స్మన్గా వచ్చిన ఇషాన్ కిషన్ సైతం వచ్చీ రావడంతోనే బౌండరీలతో చెలరేగాడు. అతడు ఎదుర్కొన్న తొలి రెండు బంతులను సిక్సర్, ఫోర్గా మలిచాడు. మరోవైపు ధావన్ నెమ్మదిగా ఆడుతూ అతడికి సహకరించాడు. అలా స్కోరు బోర్డు మరోసారి పరుగులు పెట్టింది. ఈ క్రమంలోనే వీరిద్దరూ రెండో వికెట్కు 85 పరుగులు జోడించారు.
అయితే, అర్ధశతకం తర్వాత మరింత వేగంగా పరుగులు తీసే క్రమంలో ఇషాన్ ఔటయ్యాడు. సందకన్ బౌలింగ్లో భానుక చేతికి చిక్కాడు. అప్పటికి జట్టు స్కోర్ 143/2గా నమోదైంది. తర్వాత క్రీజులోకి వచ్చిన మనీశ్ పాండే తొలుత నెమ్మదిగా ఆడాడు. అనంతరం ధావన్తో కలిసి లంక బౌలర్లను కాచుకున్నాడు. మూడో వికెట్కు వీరిద్దరూ 72 పరుగుల కీలక భాగస్వామ్యం నెలకొల్పారు. అయితే, జట్టు స్కోర్ 215 పరుగుల వద్ద మనీశ్ ఔటయ్యాడు. అప్పటికే భారత్ విజయం ఖాయం కాగా, సూర్యకుమార్ వచ్చి మిగతా పనిపూర్తి చేశాడు. లంక బౌలర్లలో ధనంజయ రెండు వికెట్లు తీయగా సందకన్ ఒక వికెట్ పడగొట్టాడు.
మరోవైపు టాస్గెలిచి బ్యాటింగ్ ఎంచుకున్న శ్రీలంక నిర్ణీత 50 ఓవర్లలో 9 వికెట్ల నష్టానికి 262 పరుగులు చేసింది. చివర్లో కరుణరత్నె(43 నాటౌట్; 35 బంతుల్లో 1x4, 2x6) ధాటిగా ఆడి టాప్ స్కోరర్గా నిలిచాడు. అంతకుముందు ఓపెనర్లు అవిష్క ఫెర్నాండో (32; 35 బంతుల్లో 2x4, 1x6), మినోద్ భానుక (27; 44 బంతుల్లో 3x4) శుభారంభం చేశారు. వీరిద్దరూ తొలి వికెట్కు 49 పరుగులు జోడించారు. ఈ క్రమంలోనే ఫెర్నాండో.. చాహల్ బౌలింగ్లో మనీశ్ పాండే చేతికిచిక్కి తొలి వికెట్గా వెనుదిరిగాడు. ఆపై కుల్దీప్ యాదవ్ వన్డౌన్ బ్యాట్స్మన్ భానుక రాజపక్స (24; 22 బంతుల్లో 2x4, 2x6), మరో ఓపెనర్ మినోద్ భానుకను ఒకే ఓవర్లో పెవిలియన్ పంపాడు. దీంతో శ్రీలంక ఒత్తిడిలో కూరుకుపోయింది.
తర్వాత ధనుంజయ డి సిల్వ(14) స్వల్ప స్కోరుకే కృనాల్ పాండ్య బౌలింగ్లో ఔటయ్యాడు. అప్పటికి లంక స్కోర్ 25 ఓవర్లలో 117/4గా నమోదైంది. తర్వాత జోడీ కట్టిన అసలంక (38; 65 బంతుల్లో 1x4), షనక (39; 50 బంతుల్లో 2x4, 1x6) నిలకడగా ఆడారు. వీరిద్దరూ ఐదో వికెట్కు 49 పరుగులు జోడించారు. అనంతరం పరుగుల వేగం పెంచే క్రమంలో స్వల్ప వ్యవధిలో ఇద్దరూ ఔటయ్యారు. చివర్లో చమీరా (13; 7 బంతుల్లో 1x4, 1x6)తో కలిసి ధాటిగా ఆడిన కరుణరత్నె లంకకు పోరాడే స్కోర్ అందించాడు. భారత బౌలర్లలో చాహల్, చాహర్, కుల్దీప్ తలో రెండు వికెట్లు పడగొట్టగా కృనాల్, హార్దిక్ పాండ్య చెరో వికెట్ తీశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కావ్యా మారన్పై మీమ్స్.. విరాట్పై సోడా బాటిల్ జోక్స్
ఐపీఎల్ 17వ సీజన్లో బెంగళూరుకు రెండో విజయం దక్కింది. మరోవైపు సొంత మైదానంలో హైదరాబాద్కు ఓటమి ఎదురైంది. -
ఆ ఇద్దరికి పగలంతా నిద్ర.. రాత్రంతా జాగారం: వసీమ్ అక్రమ్
వెస్టిండీస్ క్రికెటర్లకు ఐపీఎల్ తొలినాళ్లలో ఎదురైన ఇబ్బందులను పాక్ మాజీ క్రికెటర్ ఓ ఇంటర్వ్యూలో వెల్లడించాడు. -
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
టీ20 ప్రపంచకప్కు టీమ్ ఇండియాను ఎంచుకోండి అని అడిగితే.. పాఠకులు సెలక్ట్ చేసిన 15 మంది వీరే. -
ఆ సమయంలో అతడు ఒక్క బౌండరీ కొట్టలేదు : విరాట్ స్ట్రైక్రేట్పై గావస్కర్
హైదరాబాద్తో జరిగిన మ్యాచ్లో విరాట్ కోహ్లీ(Virat Kohli) ఆటతీరుపై సునీల్ గావస్కర్ విమర్శలు గుప్పించాడు. -
ట్రావిస్ హెడ్ బలహీనతను పట్టిన బెంగళూరు..!
ఉప్పల్లో హైదరాబాద్-బెంగళూరు మధ్య జరిగిన మ్యాచ్లో ట్రావిస్ హెడ్ బలహీనత మరోసారి బయటపడింది. ఆర్సీబీ కెప్టెన్ ఫాఫ్ దీనిని చక్కగా సద్వినియోగం చేసుకున్నాడు. -
అప్పుడు పరుగులు చేసింది కోహ్లీ ఒక్కడే: డుప్లెసిస్
Faf du Plessis: విజయంతోనే జట్టులో విశ్వాసం వస్తుందన్నాడు బెంగళూరు సారథి ఫాఫ్ డుప్లెసిస్. తమ జట్టులో విరాట్ కోహ్లీ టాప్ స్కోరర్గా ఉండటం ఆనందంగా ఉందన్నాడు. -
ప్రతి మ్యాచ్లో అది పనిచేయదు, అయినా..: కమిన్స్
Pat Cummins: హైదరాబాద్ వేదికగా గురువారం జరిగిన ఐపీఎల్ మ్యాచ్లో బెంగళూరు చేతిలో సన్రైజర్స్ ఓటమిపాలైంది. దీనిపై కమిన్స్ మాట్లాడుతూ.. తమ జట్టు అనుసరిస్తున్న వ్యూహాన్ని సమర్థించుకున్నాడు. -
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
ఆల్విన్ ఫార్మా పరిశ్రమలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్
-
కావ్యా మారన్పై మీమ్స్.. విరాట్పై సోడా బాటిల్ జోక్స్
-
ఫోన్ ట్యాపింగ్ కేసులో నిందితుల బెయిల్ పిటిషన్లపై తీర్పు
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?